උතුරු මැද පළාතේ ඇතුළුව රට පුරා මේ දිනවල සීඝ්‍රයෙන් පැතිර යන උණ රෝගය වෛරස් තත්ත්වයක් බැවින් හැකිතාක් කණ්ඩායම් වශයෙන් එකතු වීමෙන් වළකින ලෙසත් සමූහ වශයෙන් සිටින ස්ථානවලදී හැකිතාක් මුඛ ආවරණ පළඳින ලෙසත් අනුරාධපුර ශික්ෂණ රෝහලේ බාහිර රෝගී අංශයේ ප්‍රධාන වෛද්‍ය නිලධාරී හේමා වීරකෝන් මහත්මිය ජනතාවගෙන් ඉල්ලා සිටිනවා.
මෙකී වෛරසය ශ්වසන ආශ්‍රිතව හටගන්නා බැවින් කැස්ස, සෙම්ප්‍රතික්ෂාව මෙන්ම උණ සහ ඇඟපත වේදනාව යන රෝග ලක්ෂණ ප්‍රධාන වශයෙන් ඇති බවයි වෛද්‍යවරය පෙන්වා දෙන්නේ.
මෙම වෛරස් තත්ත්වය දින දෙක තුනකින් සමනය වුවද ඇතැම් රෝගීන් හට කැස්ස සෙම්ප්‍රතික්ශාව ඇතුළුව ශ්වසන රෝග මාස දෙකක් පමණ කාලයක් වුවද පවතින බවත් ඇය පෙන්වා දෙනවා.
තවද මෙම වෛරසය ඉන්ෆ්ලුවෙන්සා ප්‍රභේදයක් ලෙසද පවතින බැවින් හැකිතාක් දුරට රෝගය වැලඳුනු අයගෙන් ඈත්ව සිටීමත් කණ්ඩායම් වශයෙන් මෙන්ම සමූහ ක්‍රියාකාරකම් වලදි මුඛ ආවරණ පැලඳීමෙන් රෝගය වැලඳීමෙන් ආරක්ෂා වීමේ වැඩි ඉඩක් පවතින බවයි වෛද්‍යවරිය පවසන්නේ.
මේ වනවිට අනුරාධපුර දිස්ත්‍රික්කයේ සිඝ්‍රයෙන් පැතිර යන මෙම වෛරස් තත්ත්වයට රට පුරාද සීඝ්‍රයෙක් පැතිර යන තත්ත්වයක් උද්ගතව ඇතැයිද වෛරසයක් හේතුවෙන් ප්‍රතිකාර ලබා නොගෙන සුව වේ යැයි සිතා නොසිට ප්‍රතිකාර ලබා ගන්නා ලෙසයි වෛද්‍යවරිය මහජනතාවගෙන් ඉල්ලා සිටින්නේ.
එමෙන්ම මේ සඳහා ප්‍රතිකාර නොගත්තොත් තදබල ලෙස ශ්වසනාබාධ ඇති විය හැකි බවත් ඇය වැඩිදුරටත් අදහස් දක්වමින් පවසා සිටිනවා.
මෙවර අයවැය මඟින් වෙන් කළ මූල්‍ය ප්‍රතිපාදන යටතේ නාගරික සංවර්ධන, ඉදිකිරිම් සහ නිවාස අමාත්‍යාංශය විසින්…
රජය විසින් පාර්ලිමේන්තුවට ඉදිරිපත් කර තිබෙන විදුලිබල පනත් කෙටුම් පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි…
කතාබහට ලක්ව තිබෙන බහාලුම් 323 මුදාහැරීම ගැන ප්‍රකාශ ලබාදීම සඳහා පාර්ලිමේන්තු මන්ත්‍රී දයාසිරි ජයසේකර අද…
විදේශ ගතව සිටින කෙහෙල්බද්දර පද්මේ නමැති ප්‍රබල මත්ද්‍රව්‍ය ජාවාරම්කරුට විදේශ ගමන් බලපත්‍ර 2ක් සකස්කිරීමේ සිද්ධිය…
ගාසා තීරයේ සටන් විරාමයක් සඳහා එක්සත් ජාතීන්ගේ ආරක්ෂක මණ්ඩලය විසින් ඉදිරිපත් කරන ලද යෝජනාවක් එක්සත්…
වව්නියාව, කොක්එළිය ප්‍රදේශයේ නිවසක ගෙවත්තකට ඊයේ (5) අඩි 09ක් පමණ දිගැති කිඹුලෙකු පැමිණ තිබේ. වවුනියාව…