මන්නාරමේ ව්‍යාපාරිකයකු විසින් මත්ද්‍රව්‍ය ජාවාරමක් මගින් උපයා ගත් බවට සැක කෙරෙන රුපියල් නව කෝටි අනූ ලක්ෂයක දේපල මන්නාරම අධිකරණයේ නියෝගයක් මත ඊයේ (02) දා රාජසන්තක කොට තිබේ.
වන්නි දිසාව බාර නියෝජ්‍ය පොලිස්පති සමන්ත විජේසේකර මහතාගේ උපදෙස් මත මන්නාරම දිස්ත්‍රික් පොලිස් අධිකාරි චන්ද්‍රපාල මහතාගේ අධීක්‍ෂණය යටතේ අපරාධ විමර්ශන අංශයේ නිලධාරීන් විසින් කාලයක් පුරා සිදු කරන ලද පරීක්ෂණ වලින් පසුව එම තොරතුරු මන්නාරම අධිකරණය වෙත ඉදිරිපත් කිරීමෙන් පසු මෙම දේපල රාජසන්තක කොට තිබේ.
පොලීසිය හා මන්නාරම මහේස්ත්‍රාත්වරයා අදාල ව්‍යාපාරිකයාගේ නිවස වෙත ගොස් දේපල රාජසන්තක කිරීමේ නියෝගය ලබා දී ඇති අතර රාජසන්තක කළ දේපල අතර සුවිසල් නිවසක්, වාහන කීපයක්, ධීවර බෝට්ටු හා තවත් දේපල කීපයක් වන බව සඳහන් වේ.
1990 වසරේදී රජයෙන් ලැබුණු නිවසක ජීවත් වූ මේ පුද්ගලයා කුලියට ලබා ගත් ධීවර බෝට්ටුවක ආධාරයෙන් ධීවර රැකියාවේ නිරතව සිට පසුව මසුන් අලෙවි කිරීමේ ජාවාරමක නිරතව ඇත.
මේ වසරේ ජනවාරී මාසය වන විට ඔහුගේ සමස්ත වත්කම් ප්‍රමාණය කෝටි පහළොව ඉක්මවා ඇති බව පොලිස් පරීක්ෂණ වලදී හෙළි වී ඇති අතර එතැන් සිට මොහු පිළිබඳව පොලිස් විමර්ශන ක්‍රියාත්මක කොට තිබේ.
මන්නාරම අධිකරණයෙන් ලබගත් අධිකරණ නියෝගයක් මත අදාල ව්‍යාපාරිකයා අත් අඩංගුවට ගෙන ඇති පොලීසිය ඔහුගෙන් දිගින් දිගටම ප්‍රශ්න කිරීම් සිදු කරයි.
වයස අවුරුදු 43 ක් වූ මෙම ව්‍යාපාරිකයා ඔහුට අයත් තලෙයිමන්නාරම ප්‍රදේශයේ සුවිසල් නිවසක ජීවත් වෙමින් සිටියදී මෙලෙස අත් අඩංගුවට පත්ව ඇතත් ඔහුට මන්නාරමේ හා තවත් ප්‍රදේශ කීපයක සුවිසල් නිවාස තිබෙන බවට පොලීසියට තොරතුරු ලැබී ඇත.
රාජසන්තක කිරීමේ ලැයිස්තුවට දැනට ඇතුළත් වී ඇත්තේ නිවාස දෙකක් පමණකි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…