වවුනියාවේ තේක්කවත්ත ප්‍රදේශයේ ලැගුම් හලකදී වයස අවුරුදු 14 ක පාසල් දැරියකට මත්ද්‍රව්‍ය පොවා ඇයව සමූහ දූෂණයකට ලක් කිරීමේ චෝදනාව මත එම ලැගුම් හලේ අයිතිකරු ද ඊයේ (15) වවුනියාව පොලීසිය අත් අඩංගුවට ගෙන තිබේ.
මේ සිද්ධිය සම්බන්ධයෙන් මීට පෙර කාන්තාවක් ඇතුලු හතර දෙනෙකු අත් අඩංගුවට ගෙන අධිකරණය හමුවට ඉදිරිපත් කිරීමෙන් පසුව පොලීසිය අධිකරණයට ඉදිරිපත් කළ තොරතුරුවලට අනුව ලැගුම් හලේ අයිතිකරුද අත් අඩංගුවට ගන්නා ලෙස වවුනියාව මහේස්ත්‍රාත්වරයා පොලීසියට නියෝග කළේය.
වවුනියාවේ ඕමන්ත ප්‍රදේශයේ පදිංචි මෙම පාසල් සිසුවිය සිය ඥාතී සහෝදරයෙකු සමග භාණ්ඩ මිලට ගැනීම සඳහා වවුනියව නගරයට පැමිණ පිරිමි පුද්ගලයාගේ ඥාතියෙකුගේ මෙම ලැගුම් හලට ගොස් තිබේ.
ලැගුම්හලේ කාන්තාවක් සිටි නිසා බියක් නොදැක් වූ පාසල් දැරිය එහි සිටින අවස්ථාවේදී ඇයට කිසියම් මත්ද්‍රව්‍යයක් පානය කිරීමට දී දැරියගේ ඥාති සොහොයුරා හා ඔහුගේ තවත් මිතුරන් දෙදෙනෙකු විසින් එම දැරියව දූෂණය කොට ඇත.
මේ බව නිවසේ උදවියට ප්‍රකාශ කළ හොත් ඇයව මරා දමන බවට ඥාති සහෝදරයා දැරියට තර්ජනය කිරීම නිසා දැරිය ආපසු නිවසට ගිය අවස්ථාවේදී ඒ බව දෙමව්පියන්ට ප්‍රකාශ කොට නොමැත.
දරිය ඇවිදීමේදී දැඩි වේදනාවකින් ඇවිදින බව දුටු මව ඇයව වවුනියාව මහ රෝහලේ වෛද්‍යවරයෙකුට පෙන් වූ අවස්ථාවේදී වෛද්‍යවරයා දැරිය පරීක්ෂා කොට ඇයව සමූහ දූෂණයකට ලක්ව ඇති බව ප්‍රකාශ කොට ඒ බව පොලීසියට පැමිණිලි කොට ඇත.
පොලීසිය අධිකරණයට තොරතුරු ඉදිරිපත් කිරීමෙන් පසුව වවුනියාව මහ රෝහලේ අධිකරණ වෛද්‍ය නිලධාරීවරයගෙන් ලබා ගත් වාර්තාවක් මත සැකකරුවන් හතර දෙනා මුලින් අත් අඩංගුවට ගෙන තිබුණි.
ලැගුම් හලේ අයිතිකරු අත් අඩංගුවට ගැනීමෙන් පසුව වවුනියාව පොලිසිය ඔහුගෙන් ප්‍රශ්න කරගෙන යයි.
එළඹෙන අගෝස්තු 2 වැනිදා විවෘත වීමට නියමිත City of Dreams හෝටලයේ කැසිනෝ ශාලාව විවෘත කිරීමේ…
කහතුඩුව ප්‍රදේශයේ සිට සුදු පැහැති වෑන් රථයකින් පැහැරගෙන ගිය බව කියන 15 හැවිරිදි පාසල් සිසුවෙකු,…
ඉකුත්දා කොළඹ ,හැව්ලොක් සිටි නිවාස සංකීර්ණයේ කාන්තාවක් සතුව තිබී රන් ආලේපිත ගිනිඅවියක් සොයා ගැනීමේ සිද්ධිය…
නව අධ්‍යාපන ප්‍රතිසංස්කරණය තුළ ඉතිහාසය සහ සෞන්දර්ය විෂයන් ඉවත් කර ඇති බවට අසත්‍ය ප්‍රචාර කරමින්…
අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර…