නුවරඑළිය – නාවලපිටිය ලංගම බස් රථයක රියදුරු අසුන මතම මිය ගිහින් – බස් රථය අනතුරට ලක්වෙයි !

නුවරඑලිය සිට නාවලපිටිය දක්වා ධාවනය වු නාවලපිටිය ලංගම ඩිපෝවට අයත් බස් රථයේ රියදුරු රිය අසුන මත ජිවිතක්ෂයට පත් විම නිසා බස් රථය මාර්ගයෙන් ඉවතට පැන අනතුරට පත් වි ඇති බව ලිඳුල පොලිසිය පැවසීය.
මෙසේ ධාවනය වෙමින් තිබු බස් රථය තුළදීම ජිවිතක්ෂයට පත් වී ඇත්තේ නාවලපිටිය ලංගම ඩිපෝවේ සේවය කරමින් සිටි සුරංග අරුණසිරි අත්තනායක නැමති (39) හැවිරිදි රියදුරෙකි.

නුවරඑලිය සිට දිඹුල පතන හරහා නාවලපිටිය දක්වා ඊයේ (15) දින පස්වරුවේ ධාවනය වු බස් රථය හදිසියේ කාර්මික දෝෂයකට ලක්විම නිසා එම බස් රථයේ ගමන් ගත් මගින්ව වෙනත් බස් රථයකට මාරු කර බස් රථයේ රියදුරු සහ කොන්දොස්තර එක්ව බස් රථයේ කාර්මික දෝෂය යථා තත්ත්වයට පත් කර ඇත.

පසුව බස් රථය නාවලපිටිය දක්වා ධාවනය කරවන අවස්තාවේ බස් රථයේ රියදුරුට ඇති වු හදිසි රෝගි තත්ත්වයක් හේතුවෙන් බස් රථය මාර්ගයෙන් ඉවතට පැන අනතුර සිදු වි ඇත.

මෙම අනතුර සිදු වි ඇත්තේ හැටන් නුවරඑලිය ප්‍රධාන මාර්ගයේ ලිදුල ෆාමස්ටන් ප්‍රදේශයේදිය.

බස් රථය අනතුරට පත්වීමත් සමග බස් රථයේ කොන්දොස්තරවරයා රියදුරු අසුනේ වැතිරි සිටි රියදුරුට කතා කර ඇති බවත්, එහිදි රියදුරු අසුන මතදිම සිහිසුන් වි වැතිරි සිටි නිසා කොන්දොස්තරවරයා විසින් ඒ පිලිබදව ලිදුල පොලිසිය වෙත දැනුම් දිමෙන් පසු පොලිසියේ නිලධාරින් විසින් රියදුරු අසුනෙන් ඉවත් කර ලිදුල ප්‍රාදේශිය රෝහල වෙත රැගෙන ගොස් භාරදෙන අවස්තාවේදිත් රියදුරු මියගොස් ඇති බවත් ලිදුල ප්‍රාදේශිය රෝහලේ වෛද්‍යවරුන් පවසා ඇත.

බස් රථය අනතුරට පත් වු ස්ථානය අධික බැවුමක් සහිත ස්ථානයක් බවත්, බස් රථය අනතුරට පත් වන අවස්තාවේ බස් රථයේ රියදුරු සහ කොන්දොස්තරවරයා පමණක් ගමන් කර ඇති බවත්, පසුව ලිදුල පොලිසියේ නිලධාරින් එක්ව බස් රථයේ රියදුරාගේ සිරුර ලිදුල ප්‍රාදේශිය රෝහල වෙත භාර දි සිරුර පශ්චාත් මරණ පරික්ෂණය සදහා නුවරඑලිය දිස්ත්‍රික් මහ රෝහලේ විශේෂඥ අධිකරණ වෛද්‍යවරයා වෙත යොමු කර ඇති බවත් වාර්තා වේ.

අනතුරෙන් බස් රථයට සහ මාර්ගයේ ආරක්ෂිත වැටට දැඩි අලාභ හානි සිදු වි තිබේ., මරණය සහ අනතුර සම්බන්ධයෙන් ලිදුල පොලිසිය වැඩිදුර පරික්ෂණ පවත්වයි.