වැලිවේරිය නගරයේදී රතුපස්වල ප්‍රදේශයේ ජනතාව පැවැත්වූ විරෝධතාවක් අතරතුර වෙඩි වැදීමෙන් පුද්ගලයින් තිදෙනෙකු ජීවිතක්ෂයට පත්වීමේ සිද්ධියට අදාළ නඩුවේ සැකකරුවන් සිව් දෙනා නිදොස්කොට නිදහස් කිරීමට ගම්පහ මහාධිකරණය අද (මැයි 17) නියෝග කර තිබේ.
හිටපු හමුදා මේජර්වරයෙකු ඇතුළු සැකකරුවන් සිව් දෙනෙකු එලෙස නිදොස්කොට නිදහස් කර ඇත.
2013 වසරේ අගෝස්තු 1 වන දින ගම්පහ වැලිවේරියේ රතුපස්වල කේන්ද්‍ර කරගෙන පෞද්ගලික ව්‍යාපාර සමූහයකට අයත් කම්හලකින් පිටවන අපද්‍රව්‍ය මගින් පානීය ජලය විෂ වී ඇති බව පවසමින් එයට එරෙහිව පිරිසිදු ජලය ඉල්ලා පැවති විරෝධතාවක් අතරතුර මෙම හමුදා වෙඩි තැබීම සිදුව තිබිණි.
මෙම වෙඩි තැබීම සිදුවී මේ වන විට වසර 11ක් ගත වී ඇත.
එවකට මහින්ද රාජපක්ෂ ජනාධිපති ධූරය හෙබවූ අතර ගෝඨාභය රාජපක්ෂ ආරක්ෂක අමාත්‍යංශ ලේකම් ධූරය දැරීය.
එම ප්‍රහාරයෙන් පාසල් සිසුන් දෙදෙනකු ඇතුළු තිදෙනකු මිය ගිය අතර තවත් පාසල් සිසුන් 10කට ආසන්න ගණනක් ඇතුළුව 50ක පමණ පිරිසක් තුවාල ලැබූහ.
සිද්ධිය සම්බන්ධයෙන් ශ්‍රී ලංකා යුද්ධ හමුදාවේ විශ්‍රාමික මේජර් ජෙනරල් අරුණ දේශප්‍රිය ගුණවර්ධන ඇතුළු සිව් දෙනාට එරෙහිව නගා ඇති චෝදනා නීතිපතිවරයා විසින් සාධාරණ සැකයෙන් තොරව ඔප්පු කිරීමට අපහොසත් වී ඇතැයි තීන්දු කළ ත්‍රිපුද්ගල මහාධිකරණ විනිසුරු මඩුල්ල එම චූදිතයන් පිරිස නිදොස්කොට නිදහස් කරන ලෙස නියෝග කරනු ලැබ ඇත.
ගම්පහ මහාධිකරණ විනිසුරු නිමල් රණවීර, නිශාන්ත හපුආරච්චි සහ සහන් මාපා බණ්ඩාර යන ත්‍රිපුද්ගල මහාධිකරණ විනිසුරු මඩුල්ල විසින් අද උදෑසන 9.30ට මෙම නියෝගය ප්‍රකාශයට පත් කරනු ලැබ තිබේ.
දරුවන් අතර ඉන්ෆ්ලුවන්සා, චිකන්ගුන්යා ඩෙංගු වැනි රෝග වැඩිවීමක් දක්නට ලැබෙන බව රිජ්වේ ආර්යා ළමා රෝහලේ…
පසුගිය පළාත් පාලන මැතිවරණයෙන් ජයග්‍රහණය කර බහුතරය ලබා ගත් පළාත් පාලන ආයතන සඳහා නගරාධිපති, නියෝජ්‍ය…
දිවයිනේ නිරිත දිග කොටසේ පවතින වැසි තත්ත්වය අද (01) දින සිට ක්‍රමයෙන් අඩුවනු ඇතැයි බලාපොරොත්තු…
2025 ලෝක රූ රැජිණ කිරුළ තායිලන්ත තරගකාරිණියක් වන ඔපල් සුචතා චුංශ්‍රී නම් තරගකාරිණිය විසින් දිනාගනු…
මාසික ඉන්ධන ගාස්තු සංශෝධනයට අනුව අද සිදු කිරීමට නියමිත ඉන්ධන ගාස්තු සංශෝධනය සම්බන්ධව ලංකා ඛණිජ…
මාස 3 ක කාලයක් රැදවුම් නියෝග මත සිටින පිල්ලෙයාන්ගේ මඩකලපුව නගරයේ පිහිටි දේශපාලන කාර්යාලයේ සිදුකළ…