ඉන්දියාවේ දිල්ලි විවේක් විහාර් හි නව ජන්ම ළදරු සත්කාර රෝහලක ඊයේ රාත්‍රියේ ඇති වූ දැවැන්ත ගින්නකින් අලුත උපන් බිළිඳුන් හය දෙනෙකු පමණ ජීවිතක්ෂයට පත්ව ඇත.
දිල්ලි ගිනි නිවීමේ දෙපාර්තමේන්තුවට අනුව, ළමුන් 12 දෙනෙකු බේරාගෙන ඇති අතර, ඉන් හය දෙනෙකු මියගොස් තිබේ.
එක් අයකු ශ්වසන ආධාරක මත සිටින අතර පස් දෙනෙකු රෝහල්ගත කර ඇත.
බේරාගත් අලුත උපන් බිළිඳුන් නැගෙනහිර දිල්ලි හි වැඩි පහසුකම් සහිත රෝහලක් වෙත මාරු කර ඇත.
ලද තොරතුරක් මත පොලිස් නිලධාරීන් සහ ගිනි නිවන භටයන් එම ස්ථානයට පැමිණ ගින්න මැඩපවත්වා ඇත.
ගිනි නිවන නිලධාරි රාජේෂ් පැවසුවේ,
“රාත්‍රී 11:32ට ගිනි නිවන සේවා පාලක මැදිරියට රෝහලක ගින්නක් හටගත් බවට තොරතුරක් ලැබුණා… ගිනි නිවන රථ 16ක් එම ස්ථානයට පැමිණ ගින්න සම්පූර්ණයෙන්ම නිවා දැමුවා. ගින්නෙන් ගොඩනැගිලි 2ක් හානියට පත්වී ඇති අතර එකක් රෝහල් ගොඩනැගිල්ල වන අතර දකුණු පසින් පිහිටි නේවාසික ගොඩනැගිල්ලක තට්ටු 2ක් ද ගිනිගෙන තිබෙනවා…11-12 දෙනෙකු බේරාගෙන ඔවුන් රෝහල් ගතකර තිබෙනවා. වැඩි විස්තර පසුව බෙදාගනු ඇත.”
යනුවෙනි.
මෙම සිදුවීම සිදුවන්නේ ගුජරාට් ප්‍රාන්තයේ රාජ්කොට් නගරයේ ක්‍රීඩා කලාපයක් හරහා ඇති වූ දැවැන්ත ගින්නකින් පුද්ගලයන් 27 දෙනෙකු මිය ගිය දිනයකදී වීම කැපී පෙනේ.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…