ක්‍රිකට් ආයතනයේ නිලධාරීන්ගේ ධූර කාලය දිර්ඝ කර ඇතැයි සිදුකරන චෝදනාවලට ඇමති හරීන්ගෙන් පිළිතුරු !

ක්‍රිකට් ආයතනයේ නිලධාරීන්ගේ ධූර කාලය දිර්ඝ කර ඇතැයි ඇතමුන් කරන චෝදනා පදනම් විරහිත චෝදනා පදනම් විරහිත අසත්‍ය කරුණු බව ක්‍රීඩා අමාත්‍ය හරීන් ප්‍රනාන්දු මහතා පවසනවා.

අමාත්‍යවරයා මේ බව සඳහන් කළේ ඊයේ සංචාරක අමාත්‍යංශයේ පැවති ප්‍රවෘත්ති සාකච්ඡාවකට එක් වෙමිනුයි.

අමාත්‍යවරයා මෙහිදී වැඩිදුරටත් එම ගැසට් පත්‍රය සම්බන්ධයෙන් කරුණු පැහැදිලි කිරීමක් සිදුකරනු ලැබුවා.

මේ දවස්වල ගැසට් එකක් සම්බන්ධයෙන් වැරදි මතයක් යනවා. ඒ ගසට් එක අයිතිවෙලා තියෙන්නේ ක්‍රිකට් ක්‍රීඩාවට විතරක් නෙමෙයි. ලංකාවේ ක්‍රීඩා 73ටම. ඒ ස්පෝර්ට්ස් ගැසට් එකක්. ලංකාවේ තිබුණ නීතිය අනුව විධායක සභාවට ඕනෑම කාලයක් ඉන්න පුලුවන්. එහෙම ඉන්න පුලුවන්කම තියෙනකොට තමයි අපි ඒක අවුරුදු 16ට ගෙනාවේ. යම් කිසි කෙනෙක් අවුරුදු 16ක් විධායක සභාවේ ඉඳලා තියනවානම් සභාපතිවත් ලේකම්වත් වෙන්න බෑ. මේක ගෙනාවේ ක්‍රිකට් වලට විතරක් නෙවෙයි. එතකොට අනිත් එක තමයි ගෙනාවේ වසර 8ක් කියලා. මේක සමහරු අර්ථකතනය කරන්න හදනවා ක්‍රිකට් ආයතනයේ දැන් ඉන්න අයට අවුරුදු 8ක් ඉන්න පුලුවන් වෙන්න මම හදලයි කියලා.

ක්‍රීඩා පනත අනුව ඕනම කෙනෙක්ට ඉන්න පුලුවන් වැඩිම කාලය වසර 8යි. හැබැයි ඉස්සර විධායක සභාවේ තිබුණේ අවුරුදු 8යි. ඒක අපි 16 කළේ හදිස්සියේ හරි 8ක් ඉඳලාඅනම් ඒ පුද්ගලයාට කවදාකවත් සභාපති වෙන්න බෑනේ. ඒ නිසයි 8-16 කලේ. කතා කරන ශම්මි සිල්වා ගමුකෝ මේකනේ තියන ලොකුම ප්‍රශ්නේ ලංකාවට තියන. එයා අවුරුදු 16ක් විධායක සභාවේ හිටියානම් ඊලඟ පාර සභාපති වෙන්න බෑ.