වත්තල පෙගසස් රීෆ් හෝටලය විසින් ඒකාකාරී දින චර්යාවකට හුරුවූ කාර්යාලීය සේවා කාර්යය මණ්ඩල සඳහා ක්‍රීඩාශීලීත්වයෙන් පිරිපුන් සදාමතකයේ රැඳෙන විනෝදාත්මක අස්වැසිල්ලක් ලබාදෙමින් ජූලි මාසයේදී “Battle of the Reef” සංගීතමය වෙරළ ක්‍රීඩා සැණකෙළිය පවත්වන බව නිවේදනය කොට ඇත.
වත්තල පෙගසස් රීෆ් වෙරළ තීරයේදී 2024 ජූලි මස 27 වැනිදා ඇරඹෙන”Battle of the Reef” සංගීතමය වෙරළ ක්‍රීඩා සැණකෙළිය කාර්යාලීය සේවයේ යෙදී සිටින කාර්යය මණ්ඩල සඳහාම වෙන්වූවකි. කාර්යය මණ්ඩල අතර මිත්‍රත්වය හා කණ්ඩායම් හැඟීම වර්ධනය වන ආකාරයෙන් සංවිධානය කෙරෙන බීච් වොලිබෝල්, ටැග් රග්බි සහ කඹ ඇදීම ප්‍රමුඛව තවත් විනෝදාත්මක ක්‍රියාකාරකම් රැසකින් මෙම සැණකෙළිය සමන්විත වේ. “Battle of the Reef” ක්‍රීඩාශීලීත්වය සංගීත රසයෙන් පුරවාලමින් ජනප්‍රිය කලාකරුවන් හා සංගීත කණ්ඩායම් රැසක්ද සහභාගී වීමට නියමිතය.
පෙගසස් රීෆ් “Battle of the Reef” සැණකෙළිය පිළිබඳ අදහස් දැක්වූ පෙගසස් රීෆ් හෝටලයේ සාමාන්‍යාධිකාරී රේණුක කොස්වත්ත මහතා “අපේ රටේ කාර්යාල ආශ්‍රිතව සේවය කරන කාර්යය මණ්ඩල සාමාජික සාමාජිකාවන් වෙනුවෙන්ම විශේෂ වූ සංගීතමය වෙරළ ක්‍රීඩා සැණකෙළියක් සංවිධානය කෙරෙන්නේ ශ්‍රී ලංකාවේ පළමුවරටයි. අප හෝටලය ඉදිරිපිට දර්ශනීය වෙරළ තීරයේ සුන්දරත්වය මැද ක්‍රීඩාශීලීත්වයෙන් එකමුතුකමෙන් හා සංගීතයෙන් පිරුණ අමතක නොවන දවසක මතකයක් ලබාදීම වෙනුවෙන් සියල්ල එකමුතු කළ “Battle of the Reef”සැණකෙළියට සහභාගීවීමට සියළුම කාර්යයාල ප්‍රධානීන් ඇතුළු කාර්ය මණ්ඩල වෙත අප ගෞරවයෙන් ආරාධනාකර සිටිනවා.” යැයි පැවසීය.
“Battle of the Reef” සැණකෙළිය පිළිබඳ පෙගසස් රීෆ් හෝටලයේ කණ්ඩායම් උත්සව සංවිධාන කළමනාකාර දිමිත්‍ර සිල්වා මහතා අදහස් දක්වමින් “ශ්‍රී ලංකාවේ ප්‍රමුඛ පෙළේ කාර්යාල සේවා කාර්ය මණ්ඩල සියල්ලම පාහේ එකමුතු වෙන “Battle of the Reef” සැණකෙළිය සමග එක්වන අනුග්‍රාහකභවතුන්ට තමන්ගේ භාණ්ඩ හා සේවා සන්නාම ප්‍රවර්ධනය කරගැනීමට වටිනා අවස්ථාවක් ලැබෙනවා. දර්ශනීය සුවදායී වෙරළ තීරයේ සංවිධානය කෙරෙන මෙම විනෝදාත්මක සැණකෙළි පරිසරය ඔවුන්ගේ භාණ්ඩ හා සේවා වඩාත් ප්‍රබල ලෙස ඉලක්ක ගත පාරිභෝගිකයන් වෙත සමීප කිරීමට විශාල පිටිවහලක් වෙනවා නිසැකයි.” යැයි පැවසීය.
හාත්පස හමායන සිසිල් සුලං රැළි මැද උද්යෝගිමත්බව, ක්‍රීඩාශීලීත්වය, කණ්ඩායම් හැඟීම පිරුණු පෙගසස් රීෆ් වෙරළේ මුහුදු රැළි අතරේ සතුටුසිනා රැළි ඉතිරෙන “Battle of the Reef” සංගීතමය වෙරළ ක්‍රීඩා සැණකෙළිය ශ්‍රී ලාංකීය කාර්යාල සේවා වෘත්තිකයන්ට නවතම අත්දැකීමක් වනු ඇත.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…