බංග්ලාදේශය පුරා සර්ප දෂ්ඨ කිරීම් ඉහළ ගොස් ඇති බව එරට සෞඛ්‍ය අංශ පවසනවා.මේ හේතුවෙන් බංග්ලාදේශයේ සෑම සෞඛ්‍ය මධ්‍යස්ථානයකම මෙන්ම රෝහලකම විෂ නාශක ඖෂධ ගබඩා කර තබන ලෙස නියෝග කර තිබෙනවා.
බංග්ලාදේශ සෞඛ්‍ය අමාත්‍ය වෛද්‍ය සමන්ත ලාල් සෙන් එරට ජනතාවගෙන්ද ඉල්ලා සිටින්නේ, සර්ප දෂ්ටනයකට ලක්වුවහොත් හැකි ඉක්මනින් රෝහල් වෙත රැගෙන එන ලෙසයි.
සත්ත්ව විශේෂඥයන් පවසන්නේ දකුණු ආසියාවේ දක්නට ලැබෙන තිත් පොළඟාගේ (Russell’s Viper) දෂ්ට කිරීම්වලට ලක්වන පුද්ගලයින්ගේ වැඩිවීමක් බංග්ලාදේශයේ ග්‍රාමීය ප්‍රදේශවලින් වාර්තාවන බවයි.ඒ හේතුවෙන් මෙම සර්ප දෂ්ට කිරීම් පසුගිය සති කිහිපයක සිට බංග්ලාදේශ සමාජ මාධ්‍යවල ප්‍රධාන මාතෘකාවක්ද වී තිබෙනවා.
මීයන් ආහාරයට ගැනීමට වැඩි කැමැත්තක් දක්වන සර්ප විශේෂයක් ලෙස තිත් පොළඟා ප්‍රකටය.මේ හේතුවෙන් මීයන් වැඩි වශයෙන් ගැටෙන මිනිස් ජනාවාස අසල තිත් පොළොඟන් සිටින බැවින් සර්ප දෂ්ට කිරීම් වැඩිවීමට ප්‍රධාන වශයෙන් බලපා ඇත.
එමෙන්ම සත්ත්ව විශේෂඥයන් පෙන්වා දෙන තවත් කරුණක් වන්නේ, අස්වැන්න නෙළන කාලය තුළ ගොවිබිම් වලද වැඩි වශයෙන් මෙම සර්පයා දක්නට ලැබෙන බවයි.
බංග්ලාදේශයේ සිදුකළ නවතම සමීක්ෂණයකින්ද හෙළිවී ඇත්තේ සර්ප දෂ්ට කිරීම් වලින් සෑම වසරකම එරට පුද්ගලයින් 7,000ක් පමණ මිය යන බවයි.
තිත් පොළඟා 2002 වසරේදී බංග්ලාදේශයෙන් වඳ වී ගිය සර්පයෙකු ලෙස තොරතුරු වාර්තා කර ඇති වුවත්, මේ වනවිට එම සර්පයා නැවතත් ප්‍රදේශ රැසකින්ම හමු වී ඇත.මේ වන විට බංග්ලාදේශයේ දිස්ත්‍රික්ක 25කට වැඩි ප්‍රමාණයකට ව්‍යාප්ත වී ඇත.
සත්ත්ව විද්‍යාඥයන් විශ්වාස කරන්නේ සාමාන්‍යයෙන් වියළි ප්‍රදේශවල ජීවත් වන සර්පයා විවිධ දේශගුණික තත්ත්වයන්ට අනුවර්තනය වී ඇති බවයි.
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…
ගණේමුල්ල සංජීව ඝාතන සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටින වෙඩික්කරු යැයි කියන සමිඳු…
ත්‍රිකුණාමලය කුච්චවේලි මුහුදු ප්‍රදේශයේදී නීතිවිරෝධී ක්‍රම භාවිත කරමින් මසුන් අල්ලමින් සිටි ධීවරයන් සමග යාත්‍රා 11ක්…
වෙළෙඳ අමාත්‍යවරයා වශයෙන් කටයුතු කළ සමයේ ස.තො.ස ආයතනයේ සේවකයින් ඔවුන්ගේ නිල රාජකාරී වලින් ඉවත් කර…
ජාතික ලොතරැයි මණ්ඩලයේ හිටපු අධ්‍යක්ෂ තුසිත හල්ලොලුව ජුනි 6 වැනිදා දක්වා තවදුරටත් රක්ෂිත බන්ධනාගාර ගත…
කොතලාවල ආරක්ෂක විශ්වවිද්‍යාලයේ වෛද්‍ය පීඨයට දේශීය සිසුන් ඇතුළත් කර ගැනීම සඳහා පනවා ඇති තහනම් තාවකාලික…