තැපැල් දෙපාර්තමේන්තුවේ නිල ලාංඡනය උපයෝගී කර ගනිමින් අන්තර්ජාලය මඟින් භාණ්ඩ බෙදා හැරීමට යැයි පවසා විශාල පිරිසකගෙන් කෝටි 17කට අධික මුදලක් වංචා කළ සංවිධානාත්මක කණ්ඩායමක් සම්බන්ධයෙන් විමර්ශනයක් ආරම්භ කළ බව පරිගණක අපරාධ විමර්ශන කොට්ඨාස අන්තර්ජාල ආවේක්ෂණ හා බුද්ධි ඒකකය කොළඹ ප්‍රධාන මහේස්ත්‍රාත් තිළිණ ගමගේ මහතා ඉදිරියේ ඊයේ (24) කරුණු වාර්තා කළා.
මෙම සංවිධානාත්මක අපරාධය සිදු කළ පිරිස සම්බන්ධයෙන් කළ ආවේක්ෂණයේ දී අදාළ මුදල් චීනයේ “අලී එක්ස්ප්‍රස්” නම් ආයතනයට බැරවී ඇති බවට සොයාගත් බවද එම ඒකකය අධිකරණයට කරුණු වාර්තා කර තිබෙනවා.
මෙම සිද්ධිය සම්බන්ධයෙන් තම ඒකකයට පැමිණිලි 88කට අධික ප්‍රමාණයක් ලැබී ඇති අතර, එම පැමිණිලි ඉදිරිපත් කළ අය අතර වෛද්‍යවරු, නීතීඥවරුන්, ඉංජිනේරුවන්, ව්‍යාපාරිකයන් සහ රාජ්‍ය නිලධාරීන් ඇතුළු විශාල පිරිසක් සිටී.
අන්තර්ජාලය මඟින් භාණ්ඩ ගෙන්වා ගැනීම සඳහා අදාළ විකුණුම් ආයතන වෙත තොරතුරු ඉදිරිපත් කළ පසු මෙම සංවිධානාත්මක කණ්ඩායම එම පාරිභෝගිකයන්ගේ ජංගම දුරකතනයට කෙටි පණිවිඩයක් යොමු කර ඔවුන්ගේ නම් සහ ලිපින සහිත විස්තරවල යම් ගැටලුවක් ඇති බව පවසා ඔවුන් අලුතෙන් දෙන පෝරමය පුරවා එවන ලෙසට අන්තර්ජාලය මඟින් වාර්තාවක් යොමු කරන බව එම ඒකකය අධිකරණයට කරුණු වාර්තා කර ඇත.
පසුව එය යොමු කරන්නේ තැපැල් දෙපාර්තමේන්තුව හරහා බවට සඳහන් කර ඇති මෙම පිරිස එම පෝරමයට තැපැල් දෙපාර්තමේන්තුවේ ලාංඡනය ව්‍යාජ ලෙස යොදා ඇති බවත් මෙම ක්‍රියාවට රැවටී අදාළ පාරිභෝගිකයින් එම පෝරමය පිරවීමෙන් පසු නැවත ඔවුන්ට කෙටි පණිවිඩයක් මඟින් ඕටීපී අංකයක් ලබාදෙනු ලබන බවත් පරිගණක අපරාධ විමර්ශන කොට්ඨාස අන්තර්ජාල ආවේක්ෂණ හා බුද්ධි ඒකකය අධිරණයට සඳහන් කරයි.
එම ඕටීපී අංකය පාරිභොගිකයන් විසින් මෙම සංවිධානාත්මක පිරිසට යොමු කල පසු එම පිරිස අදාළ අංකය භාවිතා කරමින් පාරිභෝගිකයන්ගේ බැංකු ගිණුම් තුළට ඇතුළු වී එහි ඇති සියලු මුදල් සොරා ගන්නා බව එම ඒකකය වැඩිදුරටත් කරුණු වාර්තා කළා.
ඒ අනුව මෙම වංචාව සම්බන්ධයෙන් ඉදිරි විමර්ශන සඳහා බැංකු වාර්තා කැඳවීමට නියෝගයක් නිකුත් කරන ලෙසට පරිගණක අපරාධ විමර්ශන කොට්ඨාස අන්තර්ජාල ආවේක්ෂණ හා බුද්ධි ඒකකය අධිකරණයෙන් ඉල්ලා තිබෙනවා.
ඉදිරිපත් වූ කරුණු සැලකිල්ලට ගනිමින් අදාළ බැංකු නියෝග නිකුත් කර සිද්ධියට අදාළ සැකකරුවන් වහාම අත්අඩංගුවට ගෙන අධිකරණයට ඉදිරිපත් කරන ලෙසට අධිකරණය නියෝග කළා.
එළඹෙන අගෝස්තු 2 වැනිදා විවෘත වීමට නියමිත City of Dreams හෝටලයේ කැසිනෝ ශාලාව විවෘත කිරීමේ…
කහතුඩුව ප්‍රදේශයේ සිට සුදු පැහැති වෑන් රථයකින් පැහැරගෙන ගිය බව කියන 15 හැවිරිදි පාසල් සිසුවෙකු,…
ඉකුත්දා කොළඹ ,හැව්ලොක් සිටි නිවාස සංකීර්ණයේ කාන්තාවක් සතුව තිබී රන් ආලේපිත ගිනිඅවියක් සොයා ගැනීමේ සිද්ධිය…
නව අධ්‍යාපන ප්‍රතිසංස්කරණය තුළ ඉතිහාසය සහ සෞන්දර්ය විෂයන් ඉවත් කර ඇති බවට අසත්‍ය ප්‍රචාර කරමින්…
අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර…