ශ්‍රී ලංකා

ජනාධිපති රනිල් වික්‍රමසිංහ ජාතිය අමතා සිදුකළ විශේෂ ප්‍රකාශය මෙන්න (VIDEO)

2022 වසරේදී මෙරට දළ දේශීය නිෂ්පාදිතයෙන් 9.2%ක ප්‍රමාණයක් විදේශ ණය ගෙවීමට සිදු වූ නමුත් 2027 – 2032 දක්වා කාලය තුළ ණය ගෙවීම් දළ දේශීය නිෂ්පාදිතයෙන් 4.5%කට අඩු ප්‍රමාණයක පවත්වාගෙන යාමට හැකියාව ලැබෙන බව ජනාධිපතිවරයා පවසනවා.

ශ්‍රී ලංකාව ලබාගෙන තිබූ ණය ආපසු ගෙවීමට නොහැකි බව නිල වශයෙන් ප්‍රකාශ කිරීමත් සමඟ ලොව සියලු රටවල් මෙරට සමඟ පැවති ගනුදෙනු මෙන්ම විදේශ සහය මත ක්‍රියාත්මක වූ සංවර්ධන ව්‍යාපෘති සියල්ල අත්හිටවුණු අතර මෙම ණය ප්‍රතිව්‍යුහගතකරණය සාර්ථක වීමත් සමඟ එම සියල්ල යළි ඇරඹීමට හැකිවන බවයි එහිදී ජනාධිපති රනිල් වික්‍රමසිංහ සඳහන් කළේ.

එමෙන්ම ද්වීපාර්ශ්වික ණය හිමියන් සමඟ එකඟත්වයට පැමිණීම ශ්‍රී ලංකාව සම්බන්ධයෙන් වන ජාත්‍යන්තර විශ්වාසය සහතික කිරීමක් බව පෙන්වා දුන් ජනාධිපතිවරයා, මෙරට ණයවර ලිපි පවා පිළිනොගත් ජාත්‍යන්තරය මේ වන විට ශ්‍රී ලංකාවේ විශ්වාසයනීයත්වය පිළිබඳ සහතික ලබාදෙන තත්ත්වයට පත්ව ඇති බව ද පැවසුවා.

ජනාධිපති රනිල් වික්‍රමසිංහ වැඩිදුරටත් සඳහන් කළේ ශ්‍රී ලංකාව ණය හිමියන් සමඟ ඇතිකර ගත් එකඟතා අග්‍රාමාත්‍යවරයා විසින් ජූලි මස 02 වනදා පැවැත්වෙන විශේෂ සභා වාරයේදී පාර්ලිමේන්තුවේ අනුමැතිය සඳහා ඉදිරිපත් කරන අතර එම එකඟතා අනුමත කිරීමට සහය වන ලෙස රටට ආදරය කරන සියලු පාර්ලිමේන්තු නියෝජිතයන්ගෙන් ඉල්ලා සිටින බවයි.

එමෙන්ම පසුගිය සමයේ දුෂ්කර මාවතක ගමන් කළ රට, ප්‍රගතිය කරා ගෙන ඒමට කැපවූ මැති ඇමතිවරුන්, නිලධාරීන් ඇතුළු සියලු පාර්ශ්වයන්ට මෙන්ම ඉවසීමෙන් කටයුතු කළ බහුතර ජනතාවට ඔහු සිය විශේෂ ප්‍රකාශයේදී කෘතවේදීත්වය පල කළා.

රටේ ඉදිරි ගමන කඩාකප්පල් කිරීමට සුළු පිරිසක් උත්සාහ කරමින් සිටින නමුත් අනාගතයේ දවසක ඔවුන්ට රටට ද්‍රෝහි වීමේ හේතුව මත දූදරුවන් ඉදිරියේ ලැජ්ජාවට පත්වීමට සිදුවනු ඇති බවයි ජනාධිපතිවරයා අවධාරණය කළේ.

රටේ ආර්ථික තත්ත්වය යහපත් වන විට ජනතාවට සහන ලබාදුන් බවත් ඉදිරියටත් නිවැරදි මාර්ගයේ යමින් ආර්ථිකය ශක්තිමත් කරගතහොත් පවතින දුෂ්කරතා අවම කරගත හැකි බවත් වර්ජනවලින්, තර්ජනවලින් ප්‍රශ්නවලට විසඳුම් සෙවිය නොහැකි බවත් සිය විශේෂ ප්‍රකාශයේදී ඔහු වැඩිදුරටත් පැවසුවා.

කෙසේ වෙතත් ආර්ථික අපායකට ඇද වැටී තිබූ රට ගොඩගැනීම සඳහා ඇතැමුන් විවිධ කොන්දේසි ඉදිරිපත් කරමින් මඟහැරි අවස්ථාවේ තමා කිසිඳු කොන්දේසියක් නොමැතිව එම අභියෝගය භාරගත් බව සඳහන් කළ ජනාධිපති රනිල් වික්‍රමසිංහ එහිදී තමා සතු වූයේ තම අත්දැකීම්, සැලසුම් සහගත ප්‍රතිපත්ති සහ කැපවීමෙන් ආර්ථිකය ගොඩ නැගිය හැකි බවට වන විශ්වාසය මෙන්ම ජාත්‍යන්තර සහයෝගය ලබාගැනීමේ හැකියාව බව ද පැවසුවා.

Team CNF

Recent Posts

පළාත් පාලන ආයතන ඡන්ද විමසීම – නිල ඡන්ද දැන්වීම් පත්‍රිකා තැපෑලට බාරදෙයි!

පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා අද (16) දිනයේ තැපෑල වෙත…

43 minutes ago

පේරු රාජ්‍යයේ හිටපු ජනාධිපතිට සහ බිරිඳට වසර 15ක සිර දඬුවම්!

පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර…

3 hours ago

දින 2ක් තුළ බීමත් රියැදුරන් 800කට පොලිසිය නඩු පවරයි!

පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…

3 hours ago

ලංකා විදුලි බල මණ්ඩල‍යෙන් ජනතාවට දැනුම්දීමක්!

නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…

4 hours ago

ගම් බිම් බලාගොස් නැවත එන මගී ජනතාවට දැනුම්දීමක්!

මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…

4 hours ago

හිසතෙල් ගෑමේ චාරිත්‍රය අද – වෙලාව මෙන්න!

සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…

5 hours ago