ජාත්‍යන්තර සිසුන් සඳහා වීසා ගාස්තුව දෙගුණයකටත් වඩා වැඩි කර ඇති බව ඔස්ට්‍රේලියාව අද නිවේදනය කර තිබෙනවා.
මෙය ඔස්ට්‍රේලියාවේ නිවාස වෙළෙඳපොල මත ඇති පීඩනය පීඩනය වැඩි කරමින් සිදුව ඇති වාර්තාගත සංක්‍රමණ අගය පාලනය කිරීමට රජය ගත් නවතම පියවරයි.
ඒ අනුව ජූලි 1 වැනිදා සිට ජාත්‍යන්තර ශිෂ්‍ය වීසා ගාස්තුව ඔස්ට්‍රේලියානු ඩොලර් 710 සිට ඔස්ට්‍රේලියානු ඩොලර් 1,600 ($1,068) දක්වා ඉහළ ගොස් තිබෙනවා.
මීට අමතරව සංචාරක වීසා බලපත්‍රලාභීන්ට සහ තාවකාලික උපාධි වීසා සහිත සිසුන්ට ශිෂ්‍ය වීසා බලපත්‍රයක් සඳහා රට තුළ සිටියදී අයදුම් කිරීමත් තහනම් කර ඇති බව සඳහන්.
අද සිට බලාත්මකවන මෙම වෙනස්කම් මගින් ඔස්ට්‍රේලියාවේ ජාත්‍යන්තර අධ්‍යාපන ක්‍රමයේ අඛණ්ඩතාව යථා තත්ත්වයට පත් කිරීමට උපකාරී වන අතර ඔස්ට්‍රේලියාවට වඩා සාධාරණ, කුඩා සහ වඩා හොඳ සංක්‍රමණ පද්ධතියක් නිර්මාණය කිරීමට උපකාරී වනු ඇති බව එරට ස්වදේශ කටයුතු අමාත්‍ය ක්ලෙයාර් ඕ’නීල් ප්‍රකාශයක් නිකුත් කරමින් පවසා තිබෙනවා.
ඉකුත් මාර්තු මාසයේදී නිකුත් කරන ලද නිල දත්ත පෙන්නුම් කළේ 2023 සැප්තැම්බර් 30 දක්වා වසර තුළ ශුද්ධ සංක්‍රමණ 60% කින් වාර්තාගත ලෙස ඉහළ ගොස් ඇති බවයි. ඉහිදී පුද්ගලයින් 548,800 ක් ඔස්ට්‍රේලියාවට සංක්‍රමණය වී ඇති බව සඳහන්.
මෙම ජාත්‍යන්තර සිසුන් සඳහා වීසා ගාස්තු වැඩිවීම මගින් ඔස්ට්‍රේලියාවට පැමිණීමට ශිෂ්‍ය වීසා බලපත්‍රයක් සඳහා අයදුම් කිරීම එක්සත් ජනපදය (ඩොලර් 185) සහ කැනඩාව ( C$150 ($110) ) වැනි තරඟකාරී රටවලට වඩා මිල අධික වනවා.
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…
එක්සත් ජනපද ජනාධිපති ඩොනල්ඩ් ට්‍රම්ප් විසින් රටවල් 12ක ජාතිකයින්ට එක්සත් ජනපදයට ඇතුළු වීම තහනම් කර…