ප්‍රංශ පාර්ලිමේන්තු මැතිවරණයේ පළමු වටයේ පෙරමුණ විපක්ෂයට !

ඊයේ ආරම්භ වූ ප්‍රංශයේ පාර්ලිමේන්තු මැතිවරණයේ පළමු වටයේ දී Marine Le Pen ගේ අන්ත දක්ෂිණාංශික National Rally (RN) පක්ෂය පෙරමුණ ගෙන ඇති බව වාර්තා වනවා.

එම පක්ෂය වෙන කවරදාටත් වඩා බලයේ දොරටු වෙත සමීප වී තිබෙන බවයි ප්‍රංශ දේශපාලන විචරාකයන් පවසන්නේ.

ප්‍රංශ ජනතාව ඉතා යුහුසුළුව ඡන්දය ප්‍රකාශ කිරීම දක්නට ලැබී ඇති අතර, National Rally (RN) පක්ෂය 34% ඡන්ද ලබා ගනිමින් ඉදිරියෙන් සිටින අතර වාමාංශික New Popular Front (NFP) සභාගය 28.1% ක් ලබා ගනිමින් දෙවන ස්ථානයේ පසුවනවා.

ජනාධිපති Emmanuel Macron ගේ සමූහ සන්ධානය 20.3% ඡන්ද ප්‍රතිශතයක් ලබා ගනිමින් තෙවන ස්ථානය දක්වා පහත වැටී ඇති බව සඳහන්.

අන්ත දක්ෂිණාංශිකයින් ප්‍රංශ පාර්ලිමෙන්තුවවන ජාතික සභාවේ වැඩිම ආසන සංඛ්‍යාවක් දිනා ගනුඇතැයි මත පළ වූවත්

එයට නිරපේක්ෂ බහුතරයක් සඳහා අවශ්‍ය ආසන 289 ම දිනා ගැණීමට හැකියාවක් නොලැබෙණු ඇති බව සඳහන්.

එම නිසාම අස්තාවර පාර්ලිමෙන්තුවක් සමගින් වඩාත් දේශපාලන අවිනිශ්චිතතාවයක් කරා මෙම පාර්ලිමෙන්තු මැතිවරණය ඔස්සේ ප්‍රංශය ගමන් කරනු ඇති බවටයි සඳහන් වන්නේ.

ලබන ඉරිදා ප්‍රංශ පාර්ලිමේන්තු මැතිවරණයේ දෙවන වටයේ ඡන්ද විමසීම පැවැත්වෙන අතර, වත්මන් ජනපති මැක්‍රෝන්ට ඔහුගේ ජනාධිපති ධූර කාලයෙහි ඉතිරි වසර තුන විරුද්ධ පක්ෂයක අගමැතිවරයෙකු සමග අමිහිරි හවුලක් සමග ගෙවා දැමීමට බොහෝ දුරට ඉඩ ඇති බව සඳහන්.