අද (08) උදේ 10ට පමණ මුව ආවරණ පමණක් පැළදගෙන සුදු ඇඳගත් තුවක්කු කරුවන් දෙදෙනෙක් පැමිණ ටී.56 ගිනි අවියකින් අතුරුගිරිය මන්සන්ධියේ කළ ද්වි පුද්ගල මිනීමැරුම සම්බන්ධ සී.සී.ටී.වී දර්ශන නිකුත් වී තිබෙනවා.
මිනීමරුවන් දෙදෙනා සුදු පැහැති මෝටර් රථයකින් පැමි. මෝටර් රථය ගොඩනැගිල්ලේ පහළ නවත්වා ඉහළ මාලයට දිවගෙන පැමිණ මෙම ඝාතනය සිදුකරන ආකාරය පෙනේ.
මෙම ප්‍රහාරය එල්ල වන්නේ ප්‍රකට ගායන ශිල්පී කේ සුජීවා විසින් අතුරුගිරිය මන්සන්ධියේ ටැටූ කලාව වෙනුවෙන් ආරම්භ කළ රූපලාවන්‍යාගාරයක ආරම්භක දිනයේ දී ය.
මෙම වෙඩි තැබීමෙන් එම ආරම්භක අවස්ථාවට පැමිණ සිටි ක්ලබ් වසන්ත හෙවත් සුරෙන් වසන්ත පෙරේරා සහ තවත් පුද්ලයෙක් මිය ගිය අතර ඔවුන් හෝමාගම රෝහලට ඇතුළත් කර තිබිණි. තවත් දෙදෙනෙක් හෝමාගම රෝහලේ අසාධ්‍ය තත්ත්වයෙන් ප්‍රතිකාර ලබති.
අතුරුගිරිය මූලික රෝහලට ඇතුළත් කළ ගායන ශිල්පිනී කේ.සුජීවා සහ තවත් පුද්ගලයෙක් කොළඹ ජාතික රෝහලට ඇතුළත් කර ඇත.
කේ.සුජීවාගේ පාදයට වෙඩි වැදී ඇති බවත් ඇයගේ තත්ත්වය අසාධ්‍ය නොවන බවත කොළඹ ජාතික රෝහලේ නියෝජ්‍ය අධ්‍යක්ෂ රුක්ෂාන් බෙල්ලන මාධ්‍ය වෙත ප්‍රකාශ කළේය.
මේ වනවිට ඝාතකයින් වෙඩිතැබීමට පැමිණි බවට සැක කෙරෙන මෝටර් රථය කඩුවෙල, කොරතොට ප්‍රදේශයේ දමා ගොස් තිබිය දී සොයා ගෙන තිබේ.
මෙම වෙඩි තැබීම ක්ලබ් වසන්ත ඉලක්ක කරගෙන සිදුවූවක් විය හැකි බවත්, පාතාල කල්ලි හා බැඳුන කළු සල්ලි සුදු කිරීමේ ජාවාරමක එක් පිපිරී යෑමක් විය හැකි බවත් කියැවෙන තොරතුරු වාර්තා වෙමින් පවතින බව අභ්‍යන්තර ආරංචි මාර්ග කියයි.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…