සින්නක්කර ඉඩම් ඔප්පු ලක්ෂ 20ක් ලබාදීමේ “උරුමය“ වැඩසටහන යටතේ බදුල්ල දිස්ත්‍රික්කයේ පළමු අදියරේ සුදුසුකම් ලාභීන් 65,393ක් අතුරින් පුද්ගලයන් 662කට සින්නක්කර ඉඩම් ඔප්පු ප්‍රදානය කිරීම ඊයේ මහියංගණය මහජන ක්‍රීඩාංගණයේදී ජනාධිපති රනිල් වික්‍රමසිංහ මහතාගේ සහ සංචාරක, ඉඩම් සහ යෞවන කටයුතු අමාත්‍ය හරීන් ප්‍රනාන්දු මහතාගේ ප්‍රදානත්වයෙන් සිදුකරනු ලැබී ය.
ඊට සමගාමීව බදුල්ල දිස්ත්‍රික්කයේ පාසල් හතරක් වෙනුවෙන් ක්‍රීඩා උපකරණ ලබාදීම සහ අභිනවයෙන් ඉදිකළ මහියංගනය මහජන ක්‍රීඩාංගනයේ ප්‍රධාන ප්‍රේක්ෂකාගාරය විවෘත කිරීමද ජනාධිපති රනිල් වික්‍රමසිංහ මහතා අතින් සිදු විය.
උරුමය සින්නක්කර ඉඩම් ඔප්පු ප්‍රදානය කිරීමේ අවස්ථාව අමතමින් අමාත්‍ය හරීන් ප්‍රනාන්දු මහතා පැවසුවේ,
ජනාධිපතිතුමා එදා බාරගත් අභියෝගය සුළුපටු එකක් නොවෙයි. එතුමා රටේ ජනතාව කෙලින් සිටුවන්න, රට නැවත ගොඩනගන්න තීන්දුව ගත්තේ තනිවම බව කිව යුතුයි. ශ්‍රී ලංකාවේ නාමය යළි ලෝකය ඉදිරියේ ඔසවා තබන්නට එතුමා කටයුතු කළා. අර්බුදය හමුවේ මහියංගනය ජනතාව ලොකු දේවල් බලාපොරොත්තු වුණේ නැහැ.
ගොවි ජනතාව ඉල්ලුවේ පොහොර සහ ඉන්ධන පමණයි. අද ඔබට ලැබෙන මෙම ඉඩම් ඔප්පුව සුළුපටු එකක් නොවෙයි. මෙය ඔබට ලැබුණු උරුමයක්. පරම්පරාවෙන් පරම්පරාවට ඉදිරියට ගෙන යා යුතු ඔප්පුවක්. ඔබට අයිති උරුමය ලබාදිය යුතු නිසයි මේ වැඩසටහන උරුමය නමින් නම් කරනු ලැබුවේ. මෙය දේශපාලන අරමුණු වෙනුවෙන් ක්‍රියාත්මක කළ වැඩසටහනක් නොවෙයි. මේ වැඩසටහන සඳහා දේශපාලනය එක් කර නොගන්නා ලෙස මා රාජ්‍ය නිලධාරීන්ගෙන් ඉල්ලා සිටිනවා. එසේ වුවහොත් ජනතාවට අසාධාරණයක් සිදු වෙනවා.
යනුවෙනි.
මෙම අවස්ථාව සඳහා ඌව පළාත් ආණ්ඩුකාර ඒ. ජේ. එම්. මුසම්මිල්, ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක, පාර්ලිමේන්තු මන්ත්‍රීවරුන් වන මේජර් සුදර්ශන දෙනිපිටිය, නාලක කෝට්ටේගොඩ, ජනාධිපති ජ්‍යෙෂ්ඨ අතිරේක ලේකම් චන්ද්‍රා හේරත්, මහවැලි අධිකාරියේ අධ්‍යක්ෂ ජනරාල් මහේන්ද්‍ර අබේවර්ධන, බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන යන මහත්ම මහත්මීන් ද ආදිවාසී නායක ඌරුවරිගේ වන්නිල ඇත්තෝ සහ ප්‍රාදේශීය දේශපාලන අධිකාරිය, රාජ්‍ය නිලධාරින්, ඉඩම් ඔප්පුලාභීන් ඇතුළු විශාල පිරිසක් එක්ව සිටියහ.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…