එළැඹෙන ජනාධිපතිවරණයේ මුද්‍රණ පිරිවැය රුපියල් මිලියන 800ක් පමණ වැය වන බව රජයේ මුද්‍රණාලයාධිපතිනි ගංගානි ලියනගේ පවසනවා. එය 2019 ජනාධිපතිවරණ පිරිවැයට සාපේක්ෂව හතර ගුණයකින් වැඩි බවයි එම මහත්මිය පවසන්නේ.
ඇය මේ බව පැවසුවේ The Daily Morning පුවත්පතට අදහස් දක්වමින්.
මේ සම්බන්ධයෙන් දහස් දක්වමින් එතුමිය පවසන්නේ, ජනාධිපතිවරණය සඳහා භාවිත කරන ඡන්ද පත්‍රිකාව 2019 භාවිත කළ ඡන්ද පත්‍රිකාවේ ප්‍රමාණයට සමාන නම් මුද්‍රණය කිරීමේ උපරිම මුදල රු. මිලියන 800 ක් වනු ඇති බවයි.ඡන්ද පත්‍රිකාවේ ප්‍රමාණය අඩකින් අඩු කළහොත් මුළු මුද්‍රණ වියදම රු. මිලියන 600 ක් දක්වා අඩු වනු ඇති බව ඇය පවසනවා.
“මෙය දළ ඇස්තමේන්තුවක් පමණයි. අපට වඩාත් නිවැරදි ඇස්තමේන්තුවක් කළ හැක්කේ ජනාධිපතිවරණය ප්‍රකාශයට පත් කර මුද්‍රණයට අදාළ අවශ්‍යතා මැතිවරණ කොමිසම මගින් නිසි ලෙස දන්වන විට පමණයි. නමුත් උපරිම වියදම රුපියල් මිලියන 800ක් බව මම දන්වා තිබෙනවා. හැකිතාක් වියදම් අඩු කර ගැනීමට කොමිසම අපට සහාය වනු ඇත.”
ඇය පවසයි.
ජනාධිපතිවරණයට සූදානම් වන ලෙස දන්වමින් මැතිවරණ කොමිෂන් සභාව පසුගියදා රජයේ මුද්‍රණ දෙපාර්තමේන්තුව ඇතුළු රාජ්‍ය ආයතන කිහිපයකට ලිපියක් යවා තිබුණා. ඉන් අනතුරුව දෙපාර්තමේන්තුව මැතිවරණයට අදාළ මුද්‍රණ වියදම් ඇස්තමේන්තු කිරීමේ ක්‍රියාවලිය ආරම්භ කර ඇත.
පසුගිය 2019 ජනාධිපතිවරණයට සාපේක්ෂව මුද්‍රණ වියදම්වල සැළකිව යුතු වැඩිවීමක් පෙන්නුම් කරන මෑත කාලීන වාර්තාවලට ප්‍රතිචාර දක්වමින් ගංගානි ලියනගේ මීට පෙර අවස්ථාවක ද පැහැදිලි කළේ, මෙම වසරේ (2024) මුද්‍රණ පිරිවැය 2019 වර්ෂයට වඩා හතර ගුණයකින් වැඩි වනු ඇතැයි අපේක්ෂා කරන බවයි.
කුලියාපිටිය කාර්මික විද්‍යාලයේ පළමු වසරේ සිසුවියක් වැවකට පැන සියදිවි හානිකර ගැනීමට උත්සහ කිරීමේ සිද්ධියක් සම්බන්ධයෙන්…
පොදු ප්‍රවාහනයේ නවීකරණය කිරීම සඳහා ශ්‍රී ලංකා ගමනාගමන මණ්ඩලය යටතේ නියමු ව්‍යාපෘතියක් ලෙස මෙට්‍රෝ බස්…
තඹුත්තේගම ක්‍රීඩාංගණය A ශ්‍රේණියේ ක්‍රීඩාංගණයක් බවට සංවර්ධනය කරන ලෙස බලධාරීන්ගෙන් තමා ඉල්ලා සිටින බව වෙළඳ…
දෙහිඅත්තකණ්ඩිය - මහියංගන ප්‍රධාන මාර්ගයේ ධාවනය වෙමින් තිබූ මෝටර් රථයක් හොබරියාව ප්‍රදේශයේදී අද පෙරවරුවේ මාර්ග…
ශ්‍රී ලන්කන් ගුවන් සේවයට එකතු වන එයාර්බස් A 330-200 නවතම ගුවන් යානය හෙට (4) මෙරටට…
පුර්ණ රුධිර ගණන පරීක්ෂණ වාර්තාවකට (Full Blood Count Test) වැඩිපුර මුදල් අය කළ මල්වාන ප්‍රදේශයේ…