පසුගිය දිනක ජාතික ජන බලවේගයේ නායක අනුර කුමාර දිසානායක විසින් හරීන් ප්‍රනාන්දු සහ මනූෂ නානයක්කාරගේ විදෙස් ගමන් සදහා මුදල් වැය වූ ආකාරය හෙළි කරන ලෙස සිදුකළ ප්‍රකාශයට අමාත්‍ය හරීන් ප්‍රනාන්දු මහතා විසින් පිළිතුරු ලබාදී තිබෙනවා.
අද දින අනුර කුමාර දිසානායක මහතා වෙත ලිපියක් යොමු කරමින් මේ බව දන්වා තිබෙනවා. එම ලිපිය සමඟ අමාත්‍ය හරීන් ප්‍රනාන්දු මහතාගේ සියලු විදෙස් ගමන්වල තොරතුරු ද ඉදිරිපත් කර තිබෙනවා.
ඒ අනුව පදනම් විරහිතව, අවඥා සහගතව සිදුකරන ලද චෝදනා පිළිකුලෙන් යුතුව හෙලා දකින බව අමාත්‍ය හරීන් ප්‍රනාන්දු මහතා දක්වා තිබෙනවා. එමෙන්ම එම සිදුකරන ලද ප්‍රකාශය අනුර කුමාර දිසානායක මහතා විසින් ම නිවැරදි කළ යුතු බව එම ලිපියේ තරයේ අවධාරණය කර ඇත.
සංචාරක කර්මාන්තය තබා, සංචාරකයෙකුවත් සොයාගත නොහැකි වකවානුවක් තුළ සංචාරක අමාත්‍යංශය බාර ගැනීම සහ අද ලංකාවේ සංචාරක කර්මාන්තය ගොඩනැඟී ඇති ආකාරය කොතෙක් ද යන්න කුහක වත ඉවත දමා බලන ඕනෑම කෙනෙකුට තේරුම් ගත හැකි බව මෙම ලිපියෙන් වැඩිදුරටත් දක්වා තිබෙනවා. එමෙන් ම සංචාරක කර්මාන්තයේ ඉතිහාසගත් වාර්තාවක් තැබීමට මෙම දෙවසර තුළ හැකි වූ බවත්, ලොව හොඳම සංචාරක ගමනාන්ත අතරට මෙන් ම ලොව වේගයෙන් ම දියුණුවන සංචාරක කර්මාන්තය ඇති රටක් ලෙස කීර්තියට පත්වීමට ද මෙම දෙවසර තුළ හැකි වූ බව මෙම ලිපියෙන් පෙන්වා දී තිබෙනවා.
තව ද ක්‍රීඩා අමාත්‍යංශය භාරගැනීම සිදු වූයේ මෙරටට එරෙහිව ක්‍රිකට් තහනමක් පැවති අවස්ථාවක වන අතර එම තහනම ඉවත් කරගැනීම සඳහා විදෙස් සංචාවල යෙදීමට සිදුවූ බව මෙහි පෙන්වා දී තිබෙනවා.
සම්පූර්ණ ලිපිය පහතින්,
Official-Letter-and-Travel-Expenses-Attachmentකලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…