වාහනයක් පරික්ෂා කරන අතර වාහනයට ගංජා පාර්සලයක් දමා තරුණයින් පිරිසක් අත් අඩංගුවට ගැනීමට උත්සාහ කළ බවට මේ වනවිට බරපතල සමාජ අපවාදයකට ලක් වී සිටින පොලිස් නිලධාරියා වැඩ තහනමකට ලක් කර තිබෙනවා.
කොළඹ දකුණ ජ්‍යෙෂ්ඨ පොලිස් අධිකාරීවරයාගේ නියෝගයට අනුව මෙසේ වැඩ තහනමට ලක්ව ඇත්තේ පොලිස් කොස්තාපල් ( 90827) තවරාසා සුදර්ශන් නැමැති නිලධාරියා ය.
කොල්ලුපිටිය පොලිසියට අනුයුත්ව පොලිස් මත්ද්‍රව්‍ය නිවාරණ මෙහෙයුම් රාජකාරිවල යොදවා සිටිය දී ආනන්ද කුමාරස්වාමි මාවත සහ කර්නල් ටි.ජයා මාවත අතර ක්ෂණික ආරක්ෂක මාර්ග බාධක යොදවා කරන ලද මෙහෙයුමක දී මෙම නිලධාරියා මෙම ආන්දෝලනාත්මක චෝදනාවට ලක් වූ අතර ඔහු ගේ හැසිරීම සම්බන්ධව වීඩියෝ පට සමාජ මාධ්‍ය පුරා වයිරල් වෙමින් සංසරණය වූයේය.
රියදුරු හෝ රථයේ ගමන් ගත් වෙනත් පුද්ගලයෙක් තබා සහායක නිලධාරියෙකුවත් ලඟ තබා නොගෙන රථය පරීක්ෂා කිරීම, නඩු භාණ්ඩ ලෙස ගංජා මත්ද්‍රව්‍ය හමුවූයේ නම් එම මත්ද්‍රව්‍ය ආරක්ෂා කර නොගැනීම, රාජකාරි වෙලාවේ නිල ඇඳුමක් ඇඳගෙන බුලත්විටක් සපමින් මහජනයාට අප්‍රසන්න ලෙස හැසිරීම, සමාජ මාධ්‍ය ජාලාවල සිද්ධිය පැතිරී යමින් මෙම නිලධාරියාට දැඩි චෝදනාවක් එල්ලවීම යන කාරණා මුල් කරගෙන මෙම වැඩ තහනම ක්‍රියාත්මක කර තිබේ.
කොල්ලුපිටිය පොලිසිය වැඩිදුර පරීක්ෂණ පවත්වයි.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…