හිටපු ජනාධිපති මහින්ද රාජපක්ෂගේ ප්‍රධානත්වයෙන් පැවැති ශ්‍රී ලංකා පොදුජන පෙරමුණේ දේශපාලන මණ්ඩල රැස්වීමට අද පැමිණ ඇත්තේ පාර්ලිමේන්තුව නියෝජනය කරන මන්ත්‍රීවරු 16 දෙනෙකු පමණක් බව එම පක්ෂ ආරංචි මාර්ග පවසනවා.
මෙවර ජනාධිපතිරණයට ශ්‍රී ලංකා පොදුජන පෙරමුනේ අපේක්ෂකයෙකු ඉදිරිපත් කළ යුතු බවට යෝජනාව පක්ෂ ලේකම් සාගර කාරියවසම් විසින් මෙහිදි ඉදිරිපත් කර තිබුණද එම යෝජනාවට සහභාගී වූ මන්ත්‍රීවරුන් 11 දෙනෙකුම දැඩි ලෙස විරුද්ධව අදහස් ප්‍රකාශ කර ඇතැයිද සඳහන්.
එමෙන්ම මෙම දේශපාලන මණ්ඩල රැස්විමට මන්ත්‍රීවරුන් 16 දෙනා හැරුණු විට මෙහි පැමිණ ඇත්තේ විවිධ සංවිධාන මට්ටමන් ගෙන්වූ අය බවයි පක්ෂ අභ්‍යන්තර ආරංචි මාර්ග පවසන්නේ.
ඒ අතර පොදුජන පෙරමුණේ දේශපාලන මණ්ඩලය නියෝජනය කරන ගම්පහ දිස්ත්‍රික් හිටපු සභාපතිවරයෙකුගේ දියණියක්ද සිට ඇති බවයි එම ආරංචි මාර්ග වාර්තා කරන්නේ.
කෙසේ වෙතත් මෙම දේශපාලන රැස්වීමේදි පොහොට්ටුවේ ජනාධිපති ධූරය අපේක්ෂාවෙන් සිටි ධම්මික පෙරේරාගේ නමක් වත් සඳහන් නොවීම පිළිබඳවද එම මන්ත්‍රිවරුන් විමතිය පළකර තිබෙනවා.
මෙහිදි අදහස් දක්වමින් හිටපු ජනාධිපති මහින්ද රාජපක්ෂ පවසා ඇත්තේ මෙය පක්ෂයේ තීරණයක් බැවිත් එයට සියලු දෙනා එකඟ විය යුතු බවයි.
කෙසේ වෙතත් මහින්ද රාජපක්ෂගේ මෙම ප්‍රකාශය නොතකමින් පොදුජන පෙරමුණේ පාර්ලිමේන්තු මන්ත්‍රීවරුන් 35 දෙනෙකු මේ වන විට ජනාධිපති රනිල් වික්‍රමසිංහ හමුවීමට පැමිණ ඇති අතර ඔවුන් එහිදි ජනාධිපතිවරයාට සිය පූර්ණ සහය ලබා දෙන බව පවසා තිබෙනවා.
මේ මොහොතේත් ඔවුන් ජනාධිපති රනිල් වික්‍රමසිංහ සමග සාකච්ඡා කරමින් පවතින බවත් ඔවුන් එහිදි ජනාධිපති රනිල් වික්‍රමසිංහ වෙත පවසා ඇත්තේ ඉදිරියේදී ජනපතිවරයාගේ මැතිවරණ ව්‍යාපාරය සෘජුවම දායකත්වය ලබා දෙමින් කටයුතු කිරීමට තමන් සූදානම් බවයි. එමෙන්ම ජනාධිපතිවරණයෙන් ජයග්‍රහණය උදෙසා ලබා දිය හැකි උපරිම සහය ලබා දීමට කටයුතු කරන බවත් මෙහිදි ජනාධිපතිවරයා හමුවේ පවසා තිබෙනවා.
මෙම තීරණයත් සමග පොදුජන පෙරමුණේ අභ්‍යන්තර අර්බුදයක් නිර්මාණය වී ඇති බවත් බහුතර පිරිසක් ජනාධිපති රනිල් වික්‍රමසිංහ වෙත සහය ලබා දීමට ඉදිරිපත් වී ඇති හෙයින් පක්ෂයේ ප්‍රභල දෙදරා යාමක් ඉදිරියේදී දක්නට ලැබෙනු ඇති බවත් වාර්තා වෙනවා.
මෙහිදි පක්ෂයේ ඇතැම් පිරිස් පවසා ඇත්තේ පක්ෂය විනාශ කිරීමට පක්ෂ ලේකම් සාගර කාරියවසම් කටයුතු කරමින් යන බවත් සහ ඔහු මේ මොහොතේ රට ගැන නොසිතා සිය දේශපාලන කටයුතු ගැන පමණක් තීරණය කරමින් පක්ෂයට සහ රටට හානිවන අන්දමට කටයුතු කරමින් සිටින බවයි.
මේ හේතුවෙන් ඉදිරියේදී පොදුජන පෙරමුණ විනාශ වී යාම නොවැලැක්විය හැකි බවයි ඔවුන් වැඩිදුරටත් අදහස් දක්වමින් පවසන්නේ.
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…