දෙමටගොඩ දුම්රිය අංගනයේ අතුරුදන් වූ සේවකයාගේ සිරුර අනාරක්ෂිත ළිඳක තිබී සොයාගෙන තිබෙනවා.
ඊයේ (06) අලු‍යම 1.30 පමණ සිට අතුරුදන්ව තිබුණේ දෙමටගොඩ දුම්රිය අංගනයේ සේවය කළ නායකගේ සුජීව කුමාර නමැති කාර්මික ශිල්පියෙක්.මාතර පදිංචි ඔහු 47 හැවිරිදි පුද්ගලයෙකි.
ඔහු සමග සේවයේ නියුතු සෙසු පිරිස කළ සෝදිසි කිරීමේදී ඔහුගේ බවට සැක කෙරෙන මුදල් පසුම්බියක්, ජංගම දුරකථනයක් සහ පාවහන් යුගලක් දෙමටගොඩ දුම්රිය ධාවනාගාරයේ ළිඳක් ආසන්නයේ තිබී සොයා ගැනුණා.
ඒ අනුව දෙමටගොඩ පොලිසිය දැනුම්වත් කිරීමෙන් පසු පොලිස් නාවික කොට්ඨාසයේ කිමිදුම්කරුවන් ඊයේ රාත්‍රියේ ඔහු සොයා එම ළිදෙහි පරීක්ෂා කිරීම් සිදුකළත් ඔහුගේ සිරුර සොයා ගැනීමට හැකිවූයේ නැහැ.
එවන් පසුබිමක, එම පුද්ගලයා සෙවීමේ කටයුතු සඳහා දුම්රිය බලධාරීන් සහ පොලිසිය ප්‍රමාණවත් පරිදි මැදිහත් නොවන බවට චෝදනා කරමින් දෙමටගොඩ දුම්රිය ධාවනාගාරයේ සේවකයින් ඊයේ මධ්‍යම රාත්‍රියේ සිට සේවයෙන් ඉවත්වී වර්ජනයක් ආරම්භ කළා.
උද්ගත වූ තත්ත්වය මත දුම්රිය මගීන් දැඩි අසීරුතාවයකට පත්වූ අතර නිරන්තරයෙන් සිදුකරන දුම්රිය සේවක වර්ජන සම්බන්ධයෙන් මගීන් පළකළේ දැඩි විරෝධයක්.
මෙම වර්ජනයෙන් විදෙස් සංචාරකයින් ද දැඩි අපහසුතාවයට පත්ව සිටියා.
වර්ජනය ක්‍රියාත්මක පසුබිමක, අතුරුදන් වූ පුද්ගලයාගේ මුදල් පසුම්බිය ඇතුළු ද්‍රව්‍ය හමුවූ ළිඳ සහ ඒ ආසන්නයේම පිහිටි තවත් ළිඳක් පරීක්ෂා කිරීමට නාවික හමුදා කිමිදුම්කරුවන් අද පෙරවරුවේ කටයුතු කළා.
ඒ අනුව සිදුකළ සෝදිසි මෙහෙයුමේදීයි මෙම මෘත දේහය හමුව තිබෙනවා
මෙවර අයවැය මඟින් වෙන් කළ මූල්‍ය ප්‍රතිපාදන යටතේ නාගරික සංවර්ධන, ඉදිකිරිම් සහ නිවාස අමාත්‍යාංශය විසින්…
රජය විසින් පාර්ලිමේන්තුවට ඉදිරිපත් කර තිබෙන විදුලිබල පනත් කෙටුම් පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි…
කතාබහට ලක්ව තිබෙන බහාලුම් 323 මුදාහැරීම ගැන ප්‍රකාශ ලබාදීම සඳහා පාර්ලිමේන්තු මන්ත්‍රී දයාසිරි ජයසේකර අද…
විදේශ ගතව සිටින කෙහෙල්බද්දර පද්මේ නමැති ප්‍රබල මත්ද්‍රව්‍ය ජාවාරම්කරුට විදේශ ගමන් බලපත්‍ර 2ක් සකස්කිරීමේ සිද්ධිය…
ගාසා තීරයේ සටන් විරාමයක් සඳහා එක්සත් ජාතීන්ගේ ආරක්ෂක මණ්ඩලය විසින් ඉදිරිපත් කරන ලද යෝජනාවක් එක්සත්…
වව්නියාව, කොක්එළිය ප්‍රදේශයේ නිවසක ගෙවත්තකට ඊයේ (5) අඩි 09ක් පමණ දිගැති කිඹුලෙකු පැමිණ තිබේ. වවුනියාව…