යම් යම් මතවාද පසෙකලා මාතෘභූමිය සහ පක්ෂය දිනවීම සඳහා යළි එක්වන ලෙසට ශ්‍රී ලංකා පොදුජන පෙරමුණේ නායක සහ හිටපු ජනාධිපති මහින්ද රාජපක්ෂ මහතා, සිය පක්ෂයෙන් වෙන්ව ගිය මන්ත්‍රී කණ්ඩායමට ආරාධනා කර තිබෙනවා.
ඔහු මෙම් ආරාධනාව සිදු කළේ, “2024 ජනාධිපතිවරණ අපේක්ෂකත්වය නිල වශයෙන් ප්‍රකාශයට පත්කිරීමේ උත්වයෙන් පසුව මාධ්‍යය” අමතමින්. පසුගිය කාලයේ මෙන් එකාවන්ට එක්ව වැඩකළ හැකි බව ද එහි දී හිටපු ජනාධිපතිවරයා පෙන්වා දුන්නා.
“අපි ඉදිරි ජනාධිපතිවරණයෙන් අනිවාර්යයෙන් ජයග්‍රහණය කරනවා. මම දේශපාලනයට පැමිණ වසර 50 කට වැඩි වෙනවා. 1970 වසරේ දී මම දේශපාලනයට පැමිණියා. මගේ දේශපාලන අත්දැකීම් අනුව මෙවර ජනාධිපතිවරණයෙන් අපි ජයග්‍රහණය කරනවා. ජයග්‍රහණය කරනවා කිව්වම ඒ සම්බන්ධයෙන් සතුටු වෙන්න පුළුවන්. අපේක්ෂකයන් ඉන්නවා. නාමල් රාජපක්ෂ ඊට වඩා ප්‍රබලයි. පොහොට්ටුවෙන් ගිය මන්ත්‍රී කණ්ඩායමට ද යළි එන්න කියා අපි ආරාධනා කරනවා. ඇතැමුන් අනිවාර්යෙන් එනවා. පොහොට්ටුවෙන් ගිය පිරිසට මම ආරාධනා කරනවා අපි සමඟ එක්ව කටයුතු කරන්න කියලා.
පොහොට්ටුවට ආදරය කරන ජනතාව නාමල් රාජපක්ෂ පිලිගනු ඇතැයි මම විශ්වාස කරනවා. රටේ තරුණයෝ ටික තරුණ නායකත්වය සමඟ ගමන් කරයි. ඒ අය උදව් කරන්න ඕන. වැඩ කරන්න ඕන. එයාලගේ වගකීමක් ඒක. අරගලය විසින් ඉල්ලුවේ මෙරටට තරුණ නායකත්වයක්. දැන් අපි ඒ අවස්ථාව ලබාදී තිබෙනවා. ළඟින්ම සිටි පිරිසක් අපෙන් වෙන්ව යාම සම්බන්ධයෙන් කණගාටුවක් තිබෙනවා. නමුත් දේශපාලනයේ ස්වාභාවය එහෙමයි. එනවා යනවා. නමුත් මම වෙනස් වුණේ නැහැ.”
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…