අරගලයේ ශිෂ්‍ය නායකයින් දෙදෙනෙක් බංග්ලාදේශයේ කැබිනට් මණ්ඩලයට !

බංග්ලාදේශයේ පසුගිය සති කිහිපය පුරා පැවතුණු දැඩි මහජන විරෝධතාවල ප්‍රතිඵලයක් ලෙස එරට හිටපු අගමැතිනි ශෙයික් හසීනාට එම ධුරයෙන් ඉවත් වීමට සිදු වුණා.

අනතුරුව විරෝධතාකරුවන්ගේ ඉල්ලීම පරිදි, නොබෙල් සාම ත්‍යාගලාභී මුහම්මද් යුනුස්ගේ නායකත්වයෙන් යුත් භාරකාර රජයක් ඊයේ (08) දිවුරුම් දෙනු ලැබුවා.

ඒ අනුව මැතිවරණ පැවැත්වීමේ වගකීම එම භාරකාර රජයට පැවරෙන බවයි වාර්තා වන්නේ.

මෙම භාරකාර රජය යටතේ පත් කරන ලද යුනූස්ගේ කැබිනට් මණ්ඩලයට ශිෂ්‍ය විරෝධතාකරුවන් අතර සිටි නහිඩ් ඉස්ලාම් සහ ආසිෆ් මහමුද් යන අය ඇතුළත්ව තිබෙනවා.

නාහිඩ් ඉස්ලාම් බංග්ලාදේශයේ විදුලි සංදේශ අමාත්‍යාංශයේ ප්‍රධානියා ලෙසත් නසීෆ් මහමුද් ක්‍රීඩා හා යෞවන කටයුතු අමාත්‍ය ලෙසත් පත් කර ඇති බව සඳහන්.

බංග්ලාදේශයේ පැවති විරෝධතාවල ක්‍රියාකාරී ලෙස කටයුතු කළ ශිෂ්‍ය නායකයින් දැඩිව පවසා සිටියේ හමුදාව විසින් නායකත්වය ලබා දෙන පාලනයකට ඔවුන් එකඟ නොවන බවයි.