මාලඹේ තොරතුරු තාක්ෂණ විදුහලේ නිපුන ධනුෂ්ක රාමනායක නමැති සිසුවා පැහැරගෙන ගොස් නිරුවත් කර පහරදීමේ සිද්ධිය සම්බන්ධයෙන් දඬුවම් නියම වී සිටින පයාගල පොලිස් ස්ථානයට අනුයුක්ත උප පොලිස් පරික්ෂකවරයාගේ වැඩ තහනම් කර තිබෙනවා.
ඒ, කළුතර කොට්ඨාස භාර ජ්‍යෙෂ්ඨ පොලිස් අධිකාරිවරයා විසින්.
මෙම නිලධාරියා විසින් 2009 වසරේ අගෝස්තු මස 08 වැනිදාත් 21 වැනිදාත් ආසන්න කාලයක අදාළ සිසුවා පැහැරගෙන ගිය බව සඳහන්.
එම කාලයේ දී ඔහු රාජකාරී සිදු කරමින් සිටියේ, කොළඹ අපරාධ කොට්ඨාසයට අනුයුක්තවයි.
නිපුණ දනුෂ්ක රාමනායක නමැති සිසුවා සිර කර තැබීමේ සිද්ධිය සම්බන්ධයෙන් පුද්ගලයින් 08 දෙනෙකුට චෝදනා එල්ල වුණා.
ඊට පොලිස් නිලධාරින් පස් දෙනෙකු සහ සිවිල් පුද්ගලයින් දෙදෙනකු ඇතුළත්.
මේ සම්බන්ධයෙන් නඩු තීන්දුව ප්‍රකාශයට පත් කෙරුණේ, චූදිත උප පොලිස් පරීක්ෂකවරයා ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආයතන සංග්‍රහයේ දෙවන කාණ්ඩයේ පරිච්ඡේදය යටතේ කියැවෙන ව්‍යවස්ථාවට අවනත වී නොමැති බවයි.
එමෙන් ම රාජ්‍ය සේවය අපකීර්තියට පත්වන අයුරින් කටයුතු කිරීම යන වැරදි සිදු කර ඇති බව ද එහි සඳහන්.
අපකීර්ති දායක හැසිරීම, මහජනයාගෙන් කෙනෙකුට අවනීත අන්දමින් හෝ පීඩාකාරී අන්දමින් හැසිරීම හා අපරාධයකට හෝ වරදකට වරදකරුවීම යන වැරදි සිදු කර ඇති බවට නිරීක්ෂණය වී ඇති බවයි අදාළ නඩු තීන්දුවේ දැක්වෙන්නේ.
ඒ අනුව චූදිත උප පොලිස් පරික්ෂකවරයාට කොළඹ මහාධිකරණයෙන් බරපතල වැඩ සහිත සිරදඬුවම් නියම කෙරුණා.
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…