දිස්ත්‍රික්ක 7 කට නිකුත් කර ඇති නායයාමේ අවදානම් නිවේදනය අඛණ්ඩව ක්‍රියාත්මක බව ජාතික ගොඩනැගිලි පර්යේෂණ සංවිධානය පවසනවා.
ඒ අනුව කළුතර සහ රත්නපුර දිස්ත්‍රික්කවලට නිකුත් කෙරුණු නායයෑමේ රතු නිවේදන තවදුරටත් බලාත්මකයි.
කළුතර දිස්ත්‍රික්කයේ බුලත්සිංහල සහ ඉංගිරිය ප්‍රාදේශීය ලේකම් කොට්ඨාසවලටත්, රත්නපුර දිස්ත්‍රික්කයේ කලවාන, ඇහැළියගොඩ සහ ඇලපාත ප්‍රාදේශීය ලේකම් කොට්ඨාස වලටත් රතු නිවේදන නිකුත් කෙරුණා.
එසේම කොළඹ, ගාල්ල, කෑගල්ල, නුවරඑළිය සහ මාතර දිස්ත්‍රික්කවල ප්‍රාදේශීය ලේකම් කොට්ඨාස කිහිපයකට නායයෑමේ අනතුරු ඇඟවීම් ක්‍රියාත්මක බව ජාතික ගොඩනැගිලි පර්යේෂණ සංවිධානය නිවේදනය කළා.
මේ අතර, අයහපත් කාලගුණික හේතුවෙන් පීඩාවට පත් ජනතාවට සහන සැලසීම සඳහා කළුතර, පරගොඩ ප්‍රදේශයේ ගංවතුර ආපදා සහන කණ්ඩායමක් ස්ථාන ගත කිරීමට පියවර ගත් බව නාවික හමුදාව පවසනවා.
නාවික හමුදාව සඳහන් කළේ, බුලත්සිංහල ප්‍රදේශයේ ඇති වී ඇති සුළු ගංවතුර තත්ත්වය හමුවේ පීඩාවට පත් මහජනතාවට සහන සැලසීම වෙනුවෙන් මෙලෙස ගංවතුර ආපදා සහන කණ්ඩායමක් ස්ථානගත කෙරුණු අතර, එම සහන කණ්ඩායම මගින් පරගොඩ ප්‍රදේශයේ ගංවතුර සහන මෙහෙයුම් ක්‍රියාත්මක කළ බවයි.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…