රජයේ රෝහලක ඇසේ සුද ඉවත් කිරීමේ සැත්කම් කිරීමෙන් පසු රෝගීන් තිදෙනෙකුට ජීවිත කාලය පුරාම පෙනීම අහිමි වූ බව බව පවසමින් හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු 10 දෙනෙකුට එරෙහිව රුපියල් මිලියන 100 බැගින් වන්දි ඉල්ලා පුද්ගලයින් තිදෙනෙකු විසින් කොළඹ දිසා අධිකරණයට පෙත්සම් ගොනු කර තිබෙනවා.
ඒ 2023 අප්‍රේල් 5 වැනිදා නුවරඑළිය මහ රෝහලේ ඇසේ සුද ඉවත්කිරීම සඳහා සිදු කරන ලද ශල්‍යකර්මයෙන් පසු ලබාදුන් බාල “ප්‍රෙඩ්නිසොලෝන් ඇසිටේට්” ඖෂධ හේතුවෙන් අන්ධ භාවයට පත් වූ බව පවසමින්.
කෙහෙළිය රඹුක්වැල්ල, ජානක චන්ද්‍රගුප්ත, නීතිපති, ජාතික ඖෂධ නියාමන අධිකාරිය, මහාචාර්ය එස්.ඩී. ජයරත්න, ආචාර්ය විජිත් ගුණසේකර, අසේල ගුණවර්ධන, රොහාන් එදිරිසිංහ සහ මහේන්ද්‍ර සෙනෙවිරත්න මෙන්ම යක්කල චමී කෙමිස්ට් (පුද්ගලික) සමාගමද මෙම නඩුවේ වග උත්තරකරුවන් ලෙස නම් කර ඇත.
මක්කාරි රාජරත්නම් නම් පැමිණිලිකරු ප්‍රකාශ කළේ 2023 අප්‍රේල් 19 වන දින අක්ෂි බිංදු කිහිපයක් ලබා දීමෙන් පසු තමාට හිසරදය, කැක්කුම සහ කඳුළු ඇති වූ බවයි. ශල්‍යකර්මයට ලක් කළ ඇසේ ඔහුගේ ඇස් පෙනීම සීඝ්‍රයෙන් ගිලිහී යන බව අතිරේක වෛද්‍ය පරීක්ෂණයකදී අනාවරණය වී තිබෙනවා. ඔහුගේ රෝගය 2023 මැයි 10 වන දින ජාතික අක්ෂි රෝහලේ වෛද්‍ය වෘත්තිකයන් විසින් හඳුනාගෙන ඇති අතර බාල අක්ෂි බිංදු මගින් ඇති කළ බව කියන බරපතල අක්ෂි ආසාදනයක් බව සොයාගෙන ඇත.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…