ශ්‍රී ලංකා කණ්ඩායමේ එංගලන්ත තරග සංචාරය අරඹමින් ඊයේ ශ්‍රී ලංකාව සහ එංගලන්තය අතර එංගලන්තයේ මැන්චෙස්ටර් නුවර ඕල්ඩ් ට්‍රැෆර්ඩ් ක්‍රීඩාංගණයේදී ටෙස්ට් තරග තුනකින් යුත් තරගාවලියේ පළමු තරගයේ කාසියේ වාසිය දිනූ ශ්‍රී ලංකා නායක ධනංජය සිල්වා පන්දුවට පහරදීම සඳහා පිටියට පිවිසීමට තීරණය කළේය.
මෙය දකුණතින් මද වේග පන්දු යවන මිලාන් රත්නායකගේ මංගල ටෙස්ට් තරගය වෙයි.
මෙහිදී මිලාන් රත්නායක ටෙස්ට් හිස් වැසුම ලබාගත්තේ හිටපු ශ්‍රී ලංකා නායක කුමාර සංගක්කාර අතිනි.
ශ්‍රී ලංකාව වෙනුවෙන් ටෙස්ට් වරම් හිමිකරගත් 166 වන ක්‍රීඩකයා ද ඔහු විය.
ආරම්භක පිතිකරුවන් ලෙස දිමුත් කරුණාරත්න ලකුණු 2ක් ලබා සිටියදී ක්‍රිස් වොක්සන්ගේ පන්දුවකට දැවී ගිය අතර නිශාන් මධුෂ්කට ලබාගත හැකි වූයේ ලකුණු 4ක් පමණි.
ඇන්ජලෝ මැතිව්ස් කිසිදු ලකුණක් නොලබා දැවී යන ලදී.
යම්කිසි බලාපොරොත්තුවක් ලබා දෙමින් කුසල් මෙන්ඩිස් පන්දුවට පහර දුන්න ද ක්‍රිස් වෝක්ස්ගේ පන්දුවකට දැවී ගියේ ලකුණු 24ක් ලබා සිටියදීය.
ඒ වනවිට ලකුණු 40කට කඩුලු 4ක් දැවී එංගලන්ත පන්දු යවන්නන් තරගයේ පාලනය සියතට ගෙන තිබියදී කඩුලු එක පිට එක දැවී යද්දී පිටියට පිවිසි ධනංජය සිල්වා නායකත්වයේ ඉනිමක් ක්‍රීඩා කරමින් ශ්‍රී ලංකා පිලේ ලකුණු තත්ත්වය ඉහළට එසවීමට මහත් උත්සාහයක් ගත්තේය.
ඒ අතරතුර 20 හැවිරිදි වියේ පසුවන ෂොයිබ් බෂීර්ගේ පන්දුවක් පහතින් පැමිණ දිනේෂ් චන්දිමාල්ගේ පා ආවරණයේ වැදීමෙන් චන්දිමාල් ලකුණු 17ක් ලබා සිටියදී පස්වන කඩුල්ල ලෙස දැවී ගියේය. ඒ වනවිට මුළු ලකුණු සංඛ්‍යාව 70කි.
හයවැනි සහ හත්වැනි කඩුලු ලෙස කමිඳු මෙන්ඩිස් සහ ප්‍රභාත් ජයසූරියගේ නම් ලකුණු පුවරුවේ ලියැවිණි.
අටවැනි කඩුල්ල සඳහා පැමිණි මංගල ටෙස්ට් වරම් ලැබූ මිලාන් රත්නායක ඉතා පළපුරුදු ක්‍රීඩකයකු මෙන් ශ්‍රී ලංකා කණ්ඩායමේ සියලු බර කරට ගෙන ධනංජය සිල්වාට අනගි සහයක් ලබා දුන්නේය.
ඒ අනූව සිය මංගල ටෙස්ට් තරඟයේම පන්දු 135කින් ලකුණු ලකුණු 74ක් ලබා ගැනීමට මිලාන්ට හැකි විය. ඒ හයේ පහර 2ක් සහ හතරේ පහර 6ක් සමගිනි.
ලකුණු 176ක්ව තිබියදී අනපේක්‍ෂිත මොහොතක අටවැනි කඩුල්ල ලෙස සුපිරි ඉනිමක් ක්‍රීඩා කළ ධනංජය සිල්වා ලකුණු 74කට ෂොයිබ් බෂිර් යැවූ පන්දුවකට දැවී ගියේය.
එංගන්ත පන්දු යවන්නන් වන ක්‍රිස් වෝක්ස් කඩුලු 3ක් ද ෂොයිබ් බෂීර් කඩුලු 2ක් ද ඇට්කින්සන් කඩුලු 2ක් ද ලබා ගත්හ.
ජීවිතක්‍ෂයට පත්වූ සුපිරි එංගලන්ත පිතිකරුවකු වූ ග්‍රැහැම් තෝර්ප්ට ගරුකිරීමක් ලෙස දෙපිලේම ක්‍රීඩකයෝ කළු පටි පැළඳ තරගයට එක්ව සිටියහ.
ඒ අනූව එංගලන්තය මේ වන විට පළමු ඉනිමේ ලකුණු 214ක් පසුපසින් සිටී.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…