වවුනියාව රෝහලට අයත් ගිලන් රථයක් වවුනියාව රෝහලේ සිට වවුනියාව පම්පෙමඩුව ආයුර්වේද රෝහලේ නේවාසික රෝගී සම්බාහන වාට්ටුව වෙත රාත්‍රී ආහාර රැගෙන ගොස් ඇති අතර, ආයුර්වේද රෝහලට ආහාර ලබා දී නැවත පැමිණෙන අවස්ථාවේ ආයුර්වේද රෝහලේ සිටි වෛද්‍යවරිය තමන් වවුනියාව නව බස් නැවතුම්පොළ වෙත ඇරලවන ලෙසට රියැදුරුට සඳහන් කර, ගිලන් රථයට ගොඩ වී ඇති බව නෙලුක්කුලම පොලිසිය පවසනවා.
එහිදී ගිලන් රථ රියැදුරු පම්පෙමඩුව පිහිටි ඉන්ධන පිරවුම්හලකින් ගිලන් රථයට ඉන්ධන පුරවාගෙන, වවුනියාව බස් නැවතුම්පොළට යෑමට පිටත්ව ඇති අතර, වවුනියාව බස් නැවතුම්පොළ වෙත කෙටි මාර්ගයකින් ගමන් කිරීමට රියැදුරු ගිලන් රථය හරවා ඇතැයි ද පැවැසෙනවා.
මේ අවස්ථාවේ සුපුරුදු මාර්ගයෙන් ගිලන් රථය ගමන් නොකිරීම හේතුවෙන් ආයුර්වේද වෛද්‍යවරිය බිය වී ඇති අතර, පසුව ඇය ගිලන් රථයෙන් එළියට පැන, තමන් පැහැරගෙන යෑමට කටයුතු කරන බවට කෑගසා ඇති බවත් වාර්තා වනවා.
සිද්ධිය සිදුවන අවස්ථාවේ මාර්ගයේ සිටි පිරිසක් ගිලන් රථ රියැදුරා හා සේවකයා රථයෙන් බස්වා අල්ලාගෙන ඇති අතර, සිදුවීම පිළිබඳ සිතාගැනීමට නොහැකිව රියැදුරුගේ ඉල්ලීම මත ප්‍රදේශවාසියකු නෙලුක්කුලම පොලිසිය වෙත දැනුම් දී ඇත.
පොලිස් නිලධාරීන් පැමිණි පසු විමර්ශනය සඳහා රියැදුරු සහ සේවකයා අත්අඩංගුවට ගෙන, පොලිස් ස්ථානය වෙත රැගෙන ගොස් තිබෙනවා.
පොලිසිය වෙත රැගෙන පැමිණි ගිලන් රථ රියැදුරුගෙන් ප්‍රශ්න කිරීමේදී ඔහු පවසා ඇත්තේ, තමන් කෙටි මාර්ගයකින් වවුනියාව බස් නැවතුම්පොළ වෙත ගමන් කිරීමට පිටත් වූ බවත්, එම අවස්ථාවේ වෛද්‍යවරිය එකවර බිය වී කෑගසා, රථයෙන් බිමට පැන ඇති බවත්ය.
ගිලන් රථයේ සිටි රෝහල් සේවකයා, කෙටි මාර්ගයෙන් වෛද්‍යවරිය බස් නැවතුම වෙත රැගෙන යෑම සිදුකරන බවට ද්‍රවිඩ භාෂාවෙන් ගිලන් රථ රියැදුරුට පවසා, මාර්ගය පිළිබඳ ප්‍රකාශ කිරීමේදී සිංහල පමණක් දන්නා වෛද්‍යවරිය එය තේරුම් ගැනීමට නොහැකිව, වරදවා තේරුම් ගෙන කෑගසා ඇති බවට විමර්ශන වලදී අනාවරණය වූ බවත් පොලිසිය පැවසනවා.
ද්‍රවිඩ භාෂාව නොතේරීම හේතුවෙන්, ගිලන් රථ රියැදුරු සහ සේවකයා තමන් පැහැරගෙන යනු ඇති බවට සැක සිතීම හේතුවෙන් එලෙස ඇය නොසන්සුන්ව හැසිරී ඇති බවට අනාවරණය වූ බවත්, දෙපාර්ශ්වයේ භාෂා සන්නිවේදන ගැටලුවක් මත මෙම සිද්ධිය සිදුව ඇති බවත්, වෛද්‍යවරියට කරුණු අවබෝධ කර දීම හේතුවෙන් සිද්ධිය සමථයට පත් කර ගැනීමට වෛද්‍යවරිය එකඟ වූ බවත් පොලිසිය පවසනවා.
සිද්ධියට අදාළ පාර්ශවවල එකගතාව මත, ගැටලුවකින් තොරව අදාළ පිරිස් පොලිසියෙන් පිටව ගිය බවත් නෙලුක්කුලම පොලිසිය වැඩිදුරටත් ප්‍රකාශ කරනු ලැබුවා.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…