බංග්ලාදේශ හිටපු අග්‍රාමාත්‍ය ෂෙයික් හසීනාට එරෙහිව ගොනුකර ඇති නඩු ගණන 100 පසුකර ඇතැයි විදෙස් මාධ්‍ය වාර්තා කළේය. හසීනා අග්‍රාමාත්‍ය ධුරයෙන් ඉල්ලා අස්වී දින කීපයකට පසුව ඇයට එරෙහිව පළමු නඩුව පසුගිය 13 වැනිදා ඩකා අධිකරණයේදී ගොනු කර ඇති බවත් 100 වැනි නඩුව බංග්ලාදේශ ජාත්‍යන්තර අපරාධ විනිශ්චය සභාවේ හමුවේ පසුගියදා 29 වැනිදා ගොනුකර ඇති බවත් විදෙස් මාධ්‍ය සඳහන් කළා.
හසීනාට එරෙහිව ගොනුකර ඇති බොහෝ නඩු බරපතළ චෝදනා යටතේ ගොනුකර ඇතැයි විදෙස් මාධ්‍ය පැවැසුවේය. ඉන් නඩු 63 මිනීමැරුම් චෝදනා යටතේද, නඩු 7 ක් මනුෂ්‍යත්වයට එරෙහි අපරාධ චෝදනා යටතේද, නඩු 3 ක් පැහැරගැනීමේ චෝදනා යටතේද, තවත් නඩු 2 ක් වෙනත් බරපතළ චෝදනා යටතේද ගොනු කර ඇතැයි විදෙස් මාධ්‍ය ප්‍රකාශ කළා.
රජයේ රැකියා කෝටාවට එරෙහිව පැවැති විරෝධතා හේතුවෙන් හසීනාගේ රජය පසුගිය 5 වැනිදා ඉල්ලා අස්වූ අතර එතැන් සිට මේ දක්වා කාලය තුළදී හසීනා නීතිමය පඹගාලක පැටලී ඇතැයි විදෙස් මාධ්‍ය වාර්තා කළේය.පසුගිය ජූලි මාසයේදී ඇරැඹි විරෝධතා අවසන් වනවිට ඉන් මිය ගිය සංඛ්‍යාව 600 පසුකර තිබූ බවද විදෙස් මාධ්‍ය පැවැසුවා.
ඉල්ලා අස්වීමෙන් පසුව හසීනා ඉන්දියාවට පළා ගිය අතර එහි දේශපාලන රැකවරණ ලබා ගත්තාය. ඉන්දියාවේ රැකවරණ ලබා ගැනීමත් සමඟ ආචාර්ය මොහොම්මද් යූනුස් ප්‍රමුඛ අන්තර්වාර රජයේ හසීනාගේ රාජ තාන්ත්‍රික විදේශ ගමන් බලපත්‍රය අවලංගු කිරීමට කටයුතු කළ අතර ඇය ඉන්දියාවේ සිටීමේ නිත්‍යානුකූලභාවය පිළිබඳ ප්‍රශ්න කළා.
දින දෙකක් වයසැති කුඩා බිළිඳෙකු රුපියල් 75,000ක මුදලකට අලෙවි කිරීමට තැත්කිරීමේ චෝදනාවට වරදකරු කෙරුණු 46…
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…