පසුගිය සතියේ ප්‍රවාහන අමාත්‍යාංශයේ ලේකම් රංජිත් රූබසිංහගේ උපදෙස් මත දුම්රිය දෙපාර්තමේන්තුව මගින් වෙබ් පිටුවක් හඳුන්වා දී ඒ හරහා මාර්ගගතව ප්‍රවේශ පත්‍ර මිලදී ගැනීමේ ක්‍රමවේදයක් හඳුන්වා දෙනු ලැබුවා.
එමගින් ඕනෑම මගියකුට අපහසුතාවකින් තොරව මාර්ගගතව ගාස්තුව ගෙවා දමා ඊ ප්‍රවේශ පත්‍රයක් මිලදී ගැනීමට අවස්ථාව හිමි වුණා.
දුම්රිය ප්‍රවේශ පත්‍ර මාර්ගගතව මිලදී ගැනීමට හඳුන්වා දී ඇති නව ක්‍රමවේදය හේතුවෙන් ප්‍රවේශ පත්‍රයක් නොමැතිව දුම්රියේ හොරෙන් ගමන් කරන මගී ප්‍රතිශතය සියයට පනහක් දක්වා ඉක්මවා තිබෙන බව දුම්රිය වෘත්තීය සමිති සඳහන් කරනවා.
පසුගිය කාලයේ විසිදහසක් පමණ පිරිසක් ප්‍රවේශ පත්‍ර නොමැතිව දුම්රියේ ගමන් කරන බව නිරීක්ෂණය වී ඇති බවත් මේ වන විට එම පිරිස හැට දහසක් පමණ වන බවත් එම සංගමය සඳහන් කළේ ය.
නමුත් දුම්රිය වෘත්තීය සමිති සඳහන් කරන්නේ, මෙම ක්‍රියාපිළිවෙත හොඳ එකක් වුවත් ප්‍රථමයෙන්ම සිදුකළ යුතු මූලික සම්පත් සැලසීමකින් තොරව අවසානයේදී කළ යුත්ත ප්‍රථමයෙන් කර තිබෙන බව දුම්රිය ස්ථානාධිපති සංගමයේ සභාපති සුමේධ සෝමරත්න මහතා ප්‍රකාශ කළේ ය.
හඳුන්වා දී ඇති නව ක්‍රමවේදයේ පද්ධතියේ අඩුපාඩු රැසක්ම පවතින බවත්, සංඥා සම්බන්ධතාවන් (සිග්නල්) විටින් විට අඩාළ වන බවත්, එම මගීන්ට පිටවීමට හා දුම්රිය ස්ථාන වෙත ඇතුළුවීමට වෙනම ගේට්ටුවක් ස්ථාපිත කිරීමට පියවර ගෙන නොමැති බවත්, මේ අඩුපාඩු කඩිනමින් නිවැරදි කරන ලෙසට දුම්රිය දෙපාර්තමේන්තුවට දන්වා තිබෙන බවත් හෙතෙම කියාසිටියා.
එසේම දුම්රිය ස්වශක්ති සංගමයේ ලේකම් එම්.ජේ. රොබට්ස් පැවසුවේ, හඳුන්වා දී ඇති මෙම ක්‍රමවේදය මගින් දුම්රිය මගීන්ට දැඩි අසීරුතාවන්ට මෙන්ම දුම්රිය ස්ථානවල පෝලිම් ඇතිවීමේ ප්‍රවණතාවක් මතුව තිබෙන බවයි.
ඊ ප්‍රවේශපත්‍ර පරීක්ෂා වීමට හෝ ස්කෑන් වීමට අවශ්‍ය යන්ත්‍ර සූත්‍ර දුම්රිය ස්ථාන වෙත දී නොමැති බවත්, නිසි ක්‍රමවේදයකින් එම ප්‍රවේශ පත්‍ර හිමි මගීන් දුම්රිය ස්ථානයට ඇතුළු කර ගැනීමේ හෝ දුම්රිය ස්ථානයෙන් බැහැර කරලීමේ ක්‍රමවේදයක් හඳුන්වා දී නැති බවත් දුම්රිය ස්වශක්ති සංගමයේ ලේකම්වරයා වැඩිදුරටත් සඳහන් කර සිටියා.
එසේම මෙම ක්‍රමවේදය නිසා කාර්යාල දුම්රියවල පරීක්ෂා කිරීමේ ගැටුලවක්ද පවතින බවත්, මහනුවර සිට කොළඹ පැමිණෙන දුම්රිය මගියකුට පොල්ගහවෙලින් ඊ ප්‍රවේශපත්‍රයක් මිලදී ගෙන පැමිණිය හැකිවීම මෙන් වංචනික ක්‍රියාවන්ට ද ඉඩකඩ විවර වී ඇති බවත් හෙතෙම වැඩිදුරටත් කියා සිටියේ ය.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…