ජාත්‍යන්තර මූල්‍ය අරමුදල සමඟ ඇති ගිවිසුමෙන් ඉවත්වීමට ජාතික ජන බලවේගය කටයුතු නොකරන බව එහි ජනාධිපති අපේක්ෂක අනුර කුමාර දිසානායක පවසනවා.
ජාත්‍යන්තර මූල්‍ය අරමුදල සමඟ ඇති කරගත් එකඟතාවේ පදනම වෙනස් කරන බවට ජාතික ජන බලවේගයේ ප්‍රතිපත්ති ප්‍රකාශයේ සඳහන් බවට ඇතැම් පාර්ශවයන් සිදුකරන ප්‍රකාශ පදනම් විරහිත බවයි රූපවාහිනී වැඩසටහනකට එක්වෙමින් අනුර කුමාර දිසානායක සඳහන් කළේ.
ජාතික ජන බලවේගයේ ප්‍රතිපත්තියේ ජාත්‍යන්තර මූල්‍ය අරමුදල සම්බන්ධයෙන් සඳහන් වෙන්නේ කරුණු තුනක් බවත් පළමු කරුණ වන්නේ ජාත්‍යන්තර මූල්‍ය අරමුදලේ වැඩසටහන ක්‍රියාත්මක කිරීමේදී සමාජයේ පීඩාවට පත්වන කණ්ඩායම සඳහා මීට වඩා ශක්තිමත් සහනාධාර වැඩපිළිවෙළක් අවශ්‍ය බව යැයි ඔහු සඳහන් කළා.
දෙවනි කරුණ වන්නේ ජාත්‍යන්තර මූල්‍ය අරමුදල චංචා සහ දූෂණ සම්බන්ධයෙන් නීති පැනවීමට වැඩි අවධානයක් යොමු කරන බවත් ජාතික ජන බලවේගය යෝජනා කරන්නේ එතනින් ඔබ්බට ගිය ප්‍රයෝගික වැඩපිළිවෙළක් අවශ්‍ය බව ද ඔහු සඳහන් කළා.
ජනාධිපති අපේක්ෂක අනුර කුමාර දිසානායක වැඩිදුරටත් ප්‍රකාශ කළේ තුන්වෙනි කරුණ ලෙස මෙතෙක් ප්‍රකාශයට පත්කර නොමැති ණය ප්‍රතිව්‍යුහගත කිරීමේ යෝජනා අධ්‍යනය කර ජාත්‍යන්තර මූල්‍ය අරමුදල සමඟ ඇතිකරගත් එකඟතාවයේ ඉදිරි අදියරවලදී සිය රජයේ යෝජනා ඉදිරිපත් කිරීමට කටයුතු කළ හැකි බවයි.
එළඹෙන අගෝස්තු 2 වැනිදා විවෘත වීමට නියමිත City of Dreams හෝටලයේ කැසිනෝ ශාලාව විවෘත කිරීමේ…
කහතුඩුව ප්‍රදේශයේ සිට සුදු පැහැති වෑන් රථයකින් පැහැරගෙන ගිය බව කියන 15 හැවිරිදි පාසල් සිසුවෙකු,…
ඉකුත්දා කොළඹ ,හැව්ලොක් සිටි නිවාස සංකීර්ණයේ කාන්තාවක් සතුව තිබී රන් ආලේපිත ගිනිඅවියක් සොයා ගැනීමේ සිද්ධිය…
නව අධ්‍යාපන ප්‍රතිසංස්කරණය තුළ ඉතිහාසය සහ සෞන්දර්ය විෂයන් ඉවත් කර ඇති බවට අසත්‍ය ප්‍රචාර කරමින්…
අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර…