වකුගඩු බද්ධයක් සඳහා ජයවර්ධනපුර රෝහලට ඇතුලත් කළ බී.ජී.එන් කුමුදුනීගේ වකුගඩු දෙකම ගලවා ඉවත් කර වකුගඩුවක් බද්ධ නොකිරිම සම්බන්ධයෙන් වහාම පරික්ෂණයක් පවත්වා වාර්තාව සෞඛ්‍ය අමාත්‍යංශය වෙත භාර දෙන ලෙස සෞඛ්‍ය ලේකම් විශේෂඥ වෛද්‍ය පාලිත මහීපාල රෝහල් පරිපාලනය දැනුම් දී තිබෙනවා.
රෝහල මගින් සිදුකරන ප්‍රාථමික පරික්ෂණයෙන් අනතුරුව සෞඛ්‍ය අමාත්‍යංශයේ විශේෂ කණ්ඩායමක් මගින් වැඩිදුර පරික්ෂණ ආරම්භ කර මෙහි සත්‍ය අසත්‍යතාව සොයා බැලීමට කටයුතු කර වරදකරුවන්ට සම්බන්ධයෙන් තීන්දු තීරණ ගැනීමට කටයුතු කරන බව එම මහතා පවසනවා.සත්‍ය වශයෙන්ම මෙවැනි සිදුවිම් කිසිදු රෝහලක් තුළ සිදු නොවිය යුතු බවත් මේ සම්බන්ධයෙන් අපක්ෂපාති පරික්ෂණයක් සිදුවිය යුතු බවත් ලේකම්වරයා සඳහන් කරයි.
මෙවැනි සිදුවීම් රෝහල් පරිපාලනය බැලිය යුතු බවත් එම රෝහල පාලනය කිරීම සඳහා වෙනමම අධ්‍යක්ෂ මණ්ඩලයක් සිටින බවත් පෙන්වා දෙන ලේකම්වරයා මෙවැනි වැරදි සිදු නොවිය යුතු බවත් අවධාරණය කර සිටියි.මෙම කාන්තාවට මතුව ඇති ගැටලු සම්බන්ධයෙන් රෝහල් පරිපාලනය වහාම විසඳුමක් ලබා දිය යුතු බවද තමා රෝහල් පරිපාලනයට අවධාරණයෙන් පවසා ඇති බවද වෛද්‍ය මහීපාල පැවසුවා.
මෙම සිදුවීම සම්බන්ධයෙන් රජයේ වෛද්‍ය නිලධාරින්ගේ සංගමයේ ලේකම් වෛද්‍ය ප්‍රභාත් සුගතදාස පැවසුවේ අදාල සිදුවීම් සම්බන්ධයෙන් අගතියට පත් පාර්ශ්වය සංගමයට ලිඛිත පැමිණිල්ලක් කරන්නේ නම් එදා සිදුවීම සම්බන්ධයෙන් පරික්ෂණයක් ආරම්භ කළ හැකි බවයි.
මෙම විශේෂඥ වෛද්‍යවරයා සංගමයේ සාමාජිකයෙකු බවත් පරික්ෂණය ආරම්භ කිරීමෙන් පසු ඔහු වරදකරුවෙක් බව හෙලි වුවහොත් සාමාජිකත්වය අහෝසි කිරීමට වුවද කටයුතු කළ හැකි බව හෙතෙම පැවසුවා.
කෙසේ නමුත් සෞඛ්‍ය අමාත්‍යංශය මගින් සිදුකරන පරික්ෂණයන් වලදී වෛද්‍යවරයා වරදකරුවෙකු වී ඔහුගේ සේවය අත්හිටුවීමක් සිදුකළහොත් සංගමයේද සාමාජිකත්වය ඉබේම අහෝසි වන බවද වෛද්‍ය සුගතදාස පැවසුවා.
මේ සම්බන්ධයෙන් ජයවර්ධනපුර රෝහල් ප්‍රකාශකයෙක් සඳහන් කළේ අදාල විශේෂඥ වෛද්‍යවරයා සම්බන්ධයෙන් මේ වන විටත් අභ්‍යන්තර විනය පරික්ෂණයක් ආරම්බ කර ඇති බවය.
කෙසේ නමුත් විශේෂඥ වෛද්‍යවරයා රෝගී සත්කාර සේවාවන් නතර කර ඇති බැවින් මේ වන විට වකුගඩු රෝගින් විශාල සංඛ්‍යාවක් අපහසුතාවයට පත්වා ඇති බව ද හෙතෙම පැවසුවා.
මේ වන විට එම වෛද්‍යවරයා සම්බන්ධයෙන් අභ්‍යන්තර විගණනය සිදුකරණ නිලධාරියාට විරුද්ධව ඔහු පොලිසියේ පැමිණිල්ලක් දමා ඇති බවත් විගණන නිලධාරියාට පරික්ෂණය පවත්වනවාට වඩා පොලිසියට කටඋත්තර ලබා දීමට යාමට සිදුවඇති බවත් එම ප්‍රකාශකයා වැඩිදුරටත් සඳහන් කළා.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…