යුද හමුදා සන්නද්ධ බුද්ධි බළකායේ දෙසීයක් යොදවා ජාතික ජන බලවේගය කරන අයුරින් ලබන 12 වැනිදායින් පසු රට තුළ ව්‍යසනයක් කිරීමේ සැලසුමක් තිබෙන බවට විදෙස්ගත ශ්‍රී ලාංකිකයකුගේ යූ ටියුබ් නාළිකාවක් මගින් වෛරී ප්‍රකාශයක් කිරීම සම්බන්ධව වහාම පරීක්ෂණයක් කරන ලෙස ඉල්ලා යුද හමුදා බුද්ධි ප්‍රධානියා පසුගිය බදාදා (11) අපරාධ පරීක්ෂණ දෙපාර්තමේන්තුවට පැමිණිල්ලක් කර තිබෙන බවට අරුණ පුවත්පත වාර්තා කරනවා.
සන්නද්ධ බුද්ධි බළකා ප්‍රධානී බ්‍රිගේඩියර් චන්දික මහතන්තිල මහතා විසින් පසුගිය බදාදා උදෑසන මෙම පැමිණිල්ල කර තිබෙන බව පැවසෙනවා.
දේශපාලන වුවමනාවන් මත සාවද්‍ය තොරතුරු ජනගත කරමින් යුද හමුදාවේ චිත්ත ධෛර්යය ද බිඳවැට්ටවීමට මෙන්ම ක්‍රියාකාරිත්වය ද බිඳවැට්ටවීමට මෙම යූ ටියුබ් නාළිකාව මගින් කටයුතු යොදා ඇතැයි එම පැමිණිල්ලෙන් පෙන්වා දී තිබෙන බව සඳහන්.
පොලිස් සේවයෙන් ඉවත් වී විදෙස් රටක සිටිමින් යූ ටියුබ් නාළිකාවක් මෙහෙයවන අජිත් ධර්මපාල නමැති අයකු විසින් ජනාධිපතිවරණයට පෙර රට තුළ කලබල ඇති කිරීම සඳහා හමුදා බුද්ධි ප්‍රධානියා විසින් බුද්ධි නිලධාරින් දෙසීයක් කොළඹට කැඳවා නියෝග දී ඇතැයි හදිසි අනාවරණයක් ලෙසින් මෙය හෙළිකර තිබෙන බව පැවසෙනවා.
මෙම සාවද්‍ය ප්‍රකාශ මගින් තමාටත්, පවුලේ අයටත් ජීවිත තර්ජන එල්ල විය හැකි බවත් දේශපාලන වුවමනාවන් මත රට තුළ කලබල ඇතිකර බුද්ධි අංශය මත පැටවීමට ගන්නා උත්සාහයක්ද යන්න සම්බන්ධවත් පරීක්ෂණ පවත්වන ලෙස බුද්ධි ප්‍රධානියා අපරාධ පරීක්ෂණ දෙපාර්තමේන්තුවට දන්වා තිබෙනවා.
මෙවැනි අසත්‍ය පතුරුවන යූ ටියුබ් නාළිකා ගැන වහාම පියවර ගැනීමට විදුලි සංදේශ නියාමන කොමිසම වෙත අධිකරණයට කරුණු දක්වා දැනුම් දෙන බව අපරාධ පරීක්ෂණ දෙපාර්තමේන්තු ප්‍රධානියකු පැවසු බව සඳහන්
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…