ලබන වසරේ පාසල් විභාග පැවැත්වෙන්නේ මෙහෙමයි !

ලබන වසරේ සිට කිසිදු ප්‍රමාදයකින් තොරව සියලු විභාග පවත්වන බව අධ්‍යාපන අමාත්‍ය සුසිල් ප්‍රේම්ජයන්ත මහතා පවසනවා.

ඔහු මේ බව ප්‍රකාශ කළේ, අද (14) පැවැති මාධ්‍ය හමුවකට එක්වෙමින්.

එමෙන්ම ලබන වසරේ පාසල් වාරය ජනවාරි මස 02වැනිදා ආරම්භ කිරීමට සැලැසුම් කර තිබෙන අතර තෙවන වාරයේ සති දෙකක් පැවැත්වීමට සිදු වන බව සඳහන්.

ඒ හේතුවෙන් ජනවාරි මස 20 වැනි පළමු පාසල් වාරයේ පළමු වාරයේ පළමු දිනය ආරම්භ වීමට නියමිතයි.

ඒ වනවිට නිල ඇඳුම්, පෙළපොත් සියල්ල සූදානම් බවට සහතිකයක් ලබා දිය හැකි බවයි, අමාත්‍යවරයා කියා සිටියේ.

මේ වසරට අදාළ ශිෂ්‍යත්ව විභාගය හෙට (15) පැවැත්වෙනවා.

එමෙන්ම මාස ගණන් කල් ගොස් ඇති උසස් පෙළ විභාගය නොවැම්බර් මස 25 වැනිදා ආරම්භ කිරීමට කටයුතු යොදා ඇති බවයි, අමාත්‍ය සුසිල් ප්‍රේම්ජයන්ත් මහතා කියා සිටියේ.

එමෙන්ම සාමාන්‍ය පෙළ විභාගයේ ප්‍රතිඵල තවත් සති දෙකකින් පමණ නිකුක් කිරීමට නියමිතයි.