උතුරු මැද පළාත් සභාවට අයත් වාහන 19 ක් සහ යතුරුපැදි 10 ක් අතුරුදහන් වෙලා !

උතුරු මැද පළාත් සභාවට අයත් වාහන 19 ක් සහ යතුරුපැදි 10 ක් අස්ථානගතව ඇතැයි ජාතික විගණන කාර්යාලය පෙන්වාදෙනවා.

එම ආයතනය විසින් මෙම වසරේ නිකුත් කළ විගණන වාර්තාවකින් ඒ බව හෙළිදරව් කර තිබෙනවා.

ප්‍රධාන අමාත්‍යාංශය,අධ්‍යාපන අමාත්‍යාංශය,සෙඛ්‍ය අමාත්‍යාංශය,අධ්‍යාපන අමාත්‍යාංශය ඇතුළු කාර්යාල කිහිපයක තිබු වාහන හා යතුරුපැදි මෙසේ අස්ථානගතව තිබෙන අතර අස්ථානගතව ඇති මෙම වාහන 19 ට හිටපු අමාත්‍යවරුන් ඇතුළු විධායක නිලධාරින් විසින් භාවිතා කළ මෝටර් රථ,කැබ් රථ හා ජිප් රථද ඇතුළත්ය. අතුරුදන්ව ඇති යතුරු පැදි ක්ෂෙත්‍ර නිලධාරින්ට ලබාදුන් ඒවාය.

මෝටර් රථ ප්‍රවාහන දෙපාර්තමේන්තුවේ ලියාපදිංචි සහතික අනුව උතුරු මැද පළාත් සභාවට අයත් මෙම වාහන පළාත් සභාව තුල හෞතිකව දක්නට නොලැබුණ බවද විගණන වාර්තාවේ සදහන්ය.