ජැක්සන්ගේ සොහොයුරා අවසන් ගමන් යයි !

මයිකල් ජැක්සන්ගේ සොහොයුරා සහ ජැක්සන් 5 පොප් සංගීත කණ්ඩායමේ මුල් සාමාජිකයෙකු වන ටිටෝ ජැක්සන්, අභවප්‍රාප්ත වූ බව අමෙරිකානු මාධ්‍ය වාර්තා කරනවා.

මරණයට නිල හේතුවක් තවමත් නිශ්චය කර නොමැති අතර, ඔහු මියුනිච් හි පැවැත්වීමට නියමිත ප්‍රසංගයක් සඳහා සූදානමින් සිට තිබෙනවා. මිය යන විට ඔහු 70 හැවිරිදි වියේ පසු වූවා.

පොප් ගායක මයිකල් ජැක්සන්ගේ ගේ වැඩිමහල් සොහොයුරෙකු වන ටිටෝ ජැක්සන් 1953 ඔක්තෝබර් 15 වන දින ටොරියානෝ ඇඩරිල් ජැක්සන් ලෙස උපත ලැබුවා.

ඔහු ඇමරිකානු ගායකයෙක්, ගිටාර් වාදකයෙක් සහ සුප්‍රසිද්ධ ජැක්සන් පවුලේ සාමාජිකයෙක් ලෙස ජනප්‍රිය වී සිටියා.