පාස්කු ප්‍රහාරය පිළිබඳ ජනාධිපති කොමිෂන් වාර්තාව අතුරුදන් – සිරිල් ගාමිණී පියතුමා කියයි !

2019 පාස්කු ඉරිදා ප්‍රහාරය සම්බන්ධයෙන් බ්‍රිතාන්‍යයේ චැනල් ෆෝ නාලිකාව කළ චෝදනා විමර්ශනය කළ ජනාධිපති කොමිෂන් සභා වාර්තාව අතුරුදන් වී ඇති බව කොළඹ අගරදගුරු පදවියේ සන්නිවේදන අධ්‍යක්ෂ සිරිල් ගාමිණී ප්‍රනාන්දු පියතුමා පවසනවා.

හිටපු ජනාධිපති රනල් වික්‍රමසිංහ ජනදිපති ධුරයට පත් වූ පසුව 2023 වසරේ සැප්තැම්බර් මාසයේ 11 වැනිදා ශ්‍රේෂ්ඨිධිකරණ විනිසුරු එස්.අයි ඉමාමා ්මහතාගේ ප්‍රදානත්වයෙන් යුතුව පත් කරන ලස මෙම කමිටුවේ වාර්තාව ජනාධිපතිවරයා වෙත ලබා දී ඇත.

නමුත් පසුව එය නීතිපති දෙපාර්තමේන්තුවට භාර දී ඇති බව ප්‍රකාශ වුවද මේ වන විට එය අතුරුදන් වී ඇති බවත් සිරිල් ගාමිණී පියතුමා පැවසනවා.

ඔහුගේ ආරංචි මාර්ගවලට අනුව ප්‍රහාරය පිළිබඳ සැබෑ සාක්ෂි සහ අනෙකුත් තීරණාත්මක තොරතුරු වාර්තාවෙන් හෙළි වූ බව ඔහු පවසන නමුත් මෙම කරුණු හෙළිදරව් වී නව රජයෙන් නිසි පරීක්ෂණයක් සිදු කළහොත් දේශපාලනඥයන් කිහිප දෙනෙකු සිරගත වනු ඇති බවද පියතුමා සඳහන් කරනවා.

පාස්කු ඉරිදා ප්‍රහාරයේ නායක සහරාන් සමඟ සන්නිවේදනයේ යෙදී සිටි ‘අබුහින්ද්’නැමැත්තා 2019 ප්‍රහාරය පිටුපස සිටි ප්‍රධාන පුද්ගලයා බව ද ප්‍රනාන්දු පියතුමා එහිදී අවධාරණය කළ බව ඩේලි මිරර් පුවත් පත වාර්තා කළා.

මීට අමතරව, මහජන ආරක්ෂක අමාත්‍යාංශයට අලුතින් පත් වූ ලේකම් රවී සෙනෙවිරත්න ද පාස්කු ඉරිදා ප්‍රහාරයට අදාළ ඇතැම් තොරතුරු දන්නා බව ඔහු අනාවරණය කළා.

හිටපු ජනාධිපති රනිල් වික්‍රමසිංහ මහතා තේරී පත්වීමෙන් පසු පාස්කු ඉරිදා ප්‍රහාරය සහ ඒ ආශ්‍රිත චෝදනා විමර්ශනය කිරීම සඳහා විශේෂ කමිටු දෙකක් ස්ථාපිත කළ අතර පළමු කමිටුව 2023 සැප්තැම්බර් 11 වන දින පත් කරන ලැබුවා.

ප්‍රහාරයේ දී හමුදාවේ යැයි කියනු ලබන භූමිකාව සම්බන්ධයෙන් චැනල් -4 නාළිකාව කළ හෙළිදරව් කිරීම්වලට ප්‍රතිචාර වශයෙන්. විශ්‍රාමලත් ශ්‍රේෂ්ඨාධිකරණ විනිසුරු එස්.අයි.ඉමාම් මහතාගේ ප්‍රධානත්වයෙන් විශ්‍රාමලත් ගුවන් හමුදාපති ජයලත් වීරක්කොඩි මහතා සහ ජනාධිපති නීතිඥ හර්ෂ ඒ.ජේ. සෝසා. ඔවුන්ගේ අවසන් වාර්තාව 2024 ජූනි 25 දින වික්‍රමසිංහ මහතා වෙත ඉදිරිපත් කර ඇත.

2024 ජුනි 12 වන දින පත් කරන ලද දෙවන කමිටුව, පූර්ව අනතුරු ඇඟවීම් ලැබී තිබියදීත් ප්‍රහාරය වැළැක්වීමට බුද්ධි අංශ අසමත් වීම පිළිබඳව විමර්ශනය කිරීම අරමුණු කර ගෙන ඇත. විශ්‍රාමලත් විනිසුරු ඒ.එන්.ජේ.අල්විස් මහතාගේ සභාපතිත්වයෙන් යුත් මෙම කමිටුව 2024 සැප්තැම්බර් 14 වැනි දින සිය සොයාගැනීම් ඉදිරිපත් කළා.