අයි.සී.සී කාන්තා පන්දුවාර විස්සයි 20 ලෝක කුසලාන ක්‍රිකට් තරගාවලිය අද (3) එක්සත් අරාබි එමීර් රාජ්‍යයේ දී ආරම්භ වනවා.
පළමු දිනයේ දී තරග දෙකක් පැවැත්වීමට නියමිත අතර, එහිදී මෙවර තරගාවලියේ නිල සත්කාරක අයිතිය හිමි බංග්ලාදේශය, ස්කොට්ලන්තයට එරෙහිව සාජා හී දී තරග වැදීමට නියමිතයි.
තරගාවලියේ දෙවැනි තරගය ද හෙට පැවැත්වෙන අතර, එහිදී ශ්‍රී ලංකා කණ්ඩායම තරග බිමට පිවිසෙන්නේ පාකිස්තානයට එරෙහිවයි.
පළමු තරගය මෙරට වේලාවෙන් පස්වරු 3:30 ට ද, දෙවැනි තරගය මෙරට වේලාවෙන් රාත්‍රී 7:30 ට ද ආරම්භ වීමට නියමිතව තිබෙනවා.
තරගාවලියට පෙර ශ්‍රී ලංකාව පුහුණු තරග දෙකක් ක්‍රීඩා කළ අතර, එහිදී පිළිවෙලින් බංග්ලාදේශය හා ස්කොට්ලන්තය පරාජයට පත් කිරීමට ශ්‍රී ලංකාවට හැකි වුණා.
2024 කාන්තා පන්දුවාර විස්සයි 20 ලෝක කුසලාන ක්‍රිකට් තරගාවලියට රටවල් 10 ක් එක්වනවා. දින 18 ක් පුරා පැවැත්වෙන තරගාවලියට තරග 23 ක් ඇතුළත්. ඩුබායි හා සාජා හී දී සියලු තරග පැවැත්වීමට නියමිතයි.
තරගාවලියේ නිල රූපවාහිනී විකාශන අයිතිය මෙවරත් හිමිව ඇත්තේ Star Sports මාධ්‍ය ජාලයටයි.
තරගාවලියේ මෙරට නිල දේශීය රූපවාහිනී විකාශන අයිතිය සිරස TV මාධ්‍ය ජාලයට හිමිව ඇති අතර, ඒ අනුව තරගාවලිය TV1 නාලිකාව ඔස්සේ සජීවීව විකාශය කිරීමට නියමිතයි. තරගාවලිය www.sirasatv.lk වෙබ් අඩවිය ඔස්සේ ද සජීවීව නැරඹීමට අවස්ථාව හිමිවනවා.
https://youtu.be/Z2p3pna-qjc?si=VM7eM_kLOXRmPoHz
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…