මෙවර ජනාධිපතිවරණයට ඉදිරිපත්ව සිටි අපේක්ෂකයින් 34 දෙනෙකු තවමත් සිය ප්‍රචාරක වියදම් වාර්තා ඉදිරිපත් කර නොමැති බව ජාතික මැතිවරණ කොමිසම අනාවරණ කර තිබේ.
මැතිවරණයට ඉදිරිපත් වූ අපේක්ෂකයින් 38 දෙනාගෙන් කොමිෂන් සභාව විසින් නියම කර ඇති රෙගුලාසිවලට අනුකූලව කටයුතු කර ඇත්තේ හතර දෙනෙක් පමණක් බව එම කොමිෂන් සභාව නිවේදනය කර ඇත.
මේ වනවිට සිය වියදම් වාර්තා ඉදිරිපත් කර ඇත්තේ හිටපු අමාත්‍ය සහ ජනාධිපති අපේක්ෂක ජාතික ප්‍රජාතන්ත්‍රවාදී පෙරමුණෙන් තරග කළ ආචාර්ය විජයදාස රාජපක්ෂ, ශ්‍රී ලංකා සමාජවාදී පක්ෂය නියෝජනය කර තරග කළ මහින්ද දේවගේ, ස්වාධීන අපේක්ෂක පේමසිරි මානගේ සහ කේ.ආනන්ද කුලතිලක පමණක් බව මැතිවරණ කොමිසම පවසයි.
මැතිවරණ වියදම් නියාමනය කිරීමේ නීතියට අනුව සියලුම අපේක්ෂකයින් ඔක්තෝබර් 13 වැනිදාට පෙර සිය මූල්‍ය හෙළිදරව් කිරීම් ඉදිරිපත් කළ යුතු බව කොමිසම නියෝග කර ඇත. ඒ සඳහා තව ඇත්තේ සතියක කාලයක් පමණි.
මැතිවරණ වියදම් වාර්තා ලබා නොදුන් දැනට විධායක ජනාධිපති ධූරය හොබවන ජාතික ජන බලවේගය, සිලින්ඩරයෙන් තරග වැදුන හිටපු ජනාධිපති රනිල් වික්‍රමසිංහ, සමගි ජන සන්ධානයේ නායක, විපක්ෂ නායක සජිත් ප්‍රේමදාස, දිලිත් ජයවීර ඇතුළු විශාලම මැතිවරණ ප්‍රචාරක වියදම් දැරූ ප්‍රධානම අපේක්ෂක කණ්ඩායම වේ.
කොමිෂන් සභාව විසින් අවධාරණය කරන්නේ මෙම නිශ්චිත දිනයට පෙර ප්‍රචාරක වියදම් වාර්තා ලබා නුදුන් සියලුම දෙනාට නීතිමය ප්‍රතිවිපාකවලට මුහුණ දීමට සිදුවනු ඇති බවය.
පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා අද (16) දිනයේ තැපෑල වෙත…
පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර…
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…