මෙගාවොට් සීයක ධාරිතාවෙන් යුත් ඒස් ඇඹිලිපිටිය ඩීසල් බලාගාරය රජයට පවරාගන්නා ලෙස විදුලිය පාවිච්චි කරන්නන්ගේ සංගමයේ ලේකම් සංජීව ධම්මික, ජනපතිගෙන් ඉල්ලා සිටිනවා.
ඒ අනූව ඔහු අනුර කුමාර දිසානායක වෙත ඊයේ (18) විද්‍යුත් ලිපියක් යොමු කරමින් මෙම ඉල්ලීම සිදු කර තිබෙනවා.
එය රජයට පවරා නොගැනීම නිසා මේ වන විට මිලියන දොළොස්දහක පාඩුවක් සිදුවී ඇති බව එම ලිපියේ සඳහන්.
සුනිල් හඳුන්නෙත්ති කෝප් කමිටුවේ සභාපති ධුරය දරන සමයේදී මෙම බලාගාරය රජයට පවරා ගැනීම සඳහා නිර්දේශ ඉදිරිපත් කර ඇති බවද එහි දැක්වෙනවා.
මේ පිළිබඳව අදහස් දක්වමින් සංජීව ධම්මික මහතා මෙසේ කියා සිටියා.
“හදිසි විදුලිය මිලදී ගැනීම් යටතේ මේ බලාගාරයෙන් මෙගාවොට් සීයක් විදුලි බල මණ්ඩලය ගන්නවා. ඒ විදිහට විදුලිය ගත්තත් නැතත් ගිවිසුමට අනුව මාසිකව රජය මේ බලාගාරයට මිලියන අනූවක් ගෙවිය යුතු වෙනවා.”
“පෙර තිබූ ගිවිසුම්වලට අනුව හරි නම් මේ බලාගාරය 2015 දී රජයට අයිති විය යුතුයි. නමුත් මේක පවරගත්තේ නෑ. මේ වනවිට ප්‍රාග්ධන වියදම් සියල්ලම රජය ගෙවලා ඉවරයි.
ඒ නිසා රජයට අයිති විය යුතු බලාගාරයකට මුදල් ගෙව ගෙව විදුලිය ලබා ගැනීමේ අවශ්‍යතාවක් නෑ. ඒ වගේම විගණකාධිපතිවරයාත් මේ බලාගාරය රජයට පවරාගන්න කියා නිර්දේශ ඉදිරිපත් කර තිබෙනවා.
අපි පසුගිය ආණ්ඩුවලට චෝදනා කළේ හදිසි විදුලි මිලදී ගැනීම් මගින් ඩීල් දමා මුදල් ගසා කෑමේ අරමුණින් මේ බලාගාරය පවරාගන්නේ නැතුව දිගින් දිගටම හදිසි මිලදී ගැනීම කරන බවටයි.
ඒ නිසා අපි ජනාධිපතිතුමාගෙන් ඉතාම ඕනෑකමින් ඉල්ලා සිටිනවා මේ බලාගාරය රජයට පවරාගෙන අක්‍රමිකතා වෙන්න තියෙන ඉඩකඩ අහුරන්න කියලා.”
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…