කැලණිය විශ්වවිද්‍යාලයේ නේවාසිකාගාර ගොඩනැගිල්ලෙන් ඇදවැටී අද අළුයම සිසුවෙක් මියගොස් තිබුණා.
මෙම මියගිය සිසුවා අධික ලෙස මත්පැන් පානය කර සිට ඇති බවට අනාවරණය වී ඇති බව අද (23) පැවති මාධ්‍ය හමුවකට එක්වෙමින් පොලිස් මාධ්‍ය ප්‍රකාශක, නියෝජ්‍ය පොලිස්පති නීතිඥ නිහාල් තල්දූව පැවසුවා.
ඊයේ (22) රාත්‍රියේ සිසුවෙකුගේ උපන්දිනයක් වෙනුවෙන් ඔවුන් මත්පැන් සාදයක් පවත්වා ඇති අතර ඇද වැටුණු සිසුවා අධික ලෙස මත් වී සිට ඇති බවයි ඔහු වැඩිදුරටත් සඳහන් කලේ.
අධික ලෙස මත්පැන් පානය කිරීම නිසා ඇති වූ තත්ත්වයක් උඩ නේවාසිකාගාර කාමරයේ ජනේලයෙන් පිටතට ඇද වැටී මෙම අනතුර සිදු වන්නට ඇති බවට විශ්වාස කරන බවට පොලිස් මාධ්‍ය ප්‍රකාශකවරයා සඳහන් කළා.
සිදුවීම වූ කාමරය මහෙස්ත්‍රාත්වරයා විසින් පරීක්ෂා කිරීමට නියමිත බවත්, රජයේ රස පරීක්ෂකවරයා හා අධිකරණ වෛද්‍ය නිලධාරීවරයාත් මේ වනවිට අදාළ ස්ථානයට කැඳවා ඇති බව ද නිහාල් තල්දූව මහතා පැවසුවා.
කෙසේවෙතත් මෙය සියදිවි නසා ගැනීමක්ද යන්න සම්බන්ධයෙන් වඩිදුර පරීක්ෂණ සිදු කරන බවයි පොලීසිය සඳහන් කරන්නේ.
මෙලෙස නේවාසිකාගාරයේ සිව් වන මහළින් ඇඳ වැටී මියගොස් ඇත්තේ, කැලණිය විශ්වවිද්‍යාලයේ වාණිජ හා කළමණාකරන අධ්‍යයන පීඨයේ ගණකාධිකරණ අධ්‍යන අංශයේ, සිව්වන වසරේ සිසුවෙක් වන ප්‍රින්ස් රාජු බණ්ඩාර නොහොත් සැන්ඩා යන අනුවර්ත නාමයෙන් සරසවිය තුළ හඳුන්වනු ලබන සිසුවෙක්.
ත්‍රිකුණාමලය කුච්චවේලි මුහුදු ප්‍රදේශයේදී නීතිවිරෝධී ක්‍රම භාවිත කරමින් මසුන් අල්ලමින් සිටි ධීවරයන් සමග යාත්‍රා 11ක්…
වෙළෙඳ අමාත්‍යවරයා වශයෙන් කටයුතු කළ සමයේ ස.තො.ස ආයතනයේ සේවකයින් ඔවුන්ගේ නිල රාජකාරී වලින් ඉවත් කර…
ජාතික ලොතරැයි මණ්ඩලයේ හිටපු අධ්‍යක්ෂ තුසිත හල්ලොලුව ජුනි 6 වැනිදා දක්වා තවදුරටත් රක්ෂිත බන්ධනාගාර ගත…
කොතලාවල ආරක්ෂක විශ්වවිද්‍යාලයේ වෛද්‍ය පීඨයට දේශීය සිසුන් ඇතුළත් කර ගැනීම සඳහා පනවා ඇති තහනම් තාවකාලික…
ශ්‍රීලන්කන් ගුවන් සේවයට එකතු වෙන එයාර් බස් A330 - 200 නවතම ගුවන් යානය මීට සුළු…
පහ වසර ශිෂ්‍යත්ව විභාගය අහෝසි කිරීමට රජය මෙතෙක් තීරණය කර නොමැති බව අග්‍රාමාත්‍ය හරිනි අමරසූරිය…