අමෙරිකානු තානාපති කාර්යාලය මගින් ඊයේ පෙරවරුවේ ආරුගම්බේ ප්‍රදේශයට කිසියම් ප්‍රහාරයක් එල්ල වීමට ඇති ඉඩකඩ ඇති බවට නිවේදනයක් නිකුත් කලා. එම නිවේදනය උපුටා දක්වමින් එංගලන්තය, රුසියාව, කැනඩාව ආදී රටවල තානාපති කාර්යාල හරහා මෙරට සිටින සංචාරකයට ශ්‍රී ලංකාව සඳහා වන සිය සංචාරක උපදේශන යාවත්කාලීන කිරීමක් සිදු කරනු ලැබුවා.
අදාළ ප්‍රහාරය ඊශ්‍රායල ජාතිකයින් ඉලක්ක කරගත් බවට කරුණු හෙළි වීමත් සමග ඊශ්‍රායලයේ ජාතික ආරක්ෂක මණ්ඩලය නිවේදනය කළේ, එල්ල වීමට නියමිත යැයි බුද්ධි තොරතුරු ලැබී ඇති බැවින් තම වැසියන්ට වහාම ශ්‍රී ලංකාවෙන් ඉවත් වන ලෙස හෝ කොළඹ නගරය වෙත පැමිණීමට වහා ම කටයුතු කරන ලෙසයි.
මෙම සිද්ධිය සම්බන්ධයෙන් විවිධ මත ඵල වූ අතර හිටපු විදුලි බල හා බලශක්ති අමාත්‍ය කංචන විජේසේකර සිය නිල X ගිණුම හරහා මෙම සිද්ධිය සම්බන්ධව ප්‍රශ්න කිහිපයක් මතු කර තිබෙනවා.
එහි දී ඔහු විමසන්නේ, ප්‍රහාරයක් එල්ල විය හැකි බවට තොරතුරු ඉකුත් ඔක්තෝබර් 7 වැනිදා ශ්‍රී ලංකා රජයට ලැබී ඇති බවත් එය ආරක්ෂක මණ්ඩල රැස්වීම් කිහිපයකදී සාකච්ඡා කර, විමර්ශනය කර, පූර්වාරක්ෂාව සහතික කළ බවට වැඩබලන පොලිස්පතිවරයා පැවසුවත්, එක්සත් ජනපද තානාපති කාර්යාලයේ නිවේදනය පිටවීමට පෙර රජයට තොරතුරු තිබුණේ නම්, නිලධාරීන් මීට පෙර ආරක්ෂාව තර නොකළේ මන්දැයි යනුවෙන්.
එමෙන්ම රාජ්‍ය තාන්ත්‍රික දූත මණ්ඩල හමුවක් කැඳවා ලැබුණු තොරතුරු සම්බන්ධයෙන් ගෙන ඇති පියවර සහ එවැනි තර්ජනයක් වැලැක්වීමට ගෙන ඇති පියවර පිළිබඳව දැනුවත් කිරීමට රජය අපොහොසත් වූයේ මන්ද යන්නත් හිටපු අමාත්‍යවරයා සිය X පණිවිඩය හරහා විමසන අතර ඔහු වැඩිදුරටත් සඳහන් කරන්නේ, ජාතික ආරක්ෂාවට එල්ල වී ඇති තර්ජනය කිසිවිටෙක සැහැල්ලුවට නොගත යුතු නමුත් සංචාරක ආදායම රටට වැදගත්ම ආදායම් මාර්ගයක් වන බවයි.
මේ අතර ශ්‍රී ලංකා රජයට කලින් තොරතුරු තිබුණේ නම් සහ ඔවුන් රාජ්‍ය තාන්ත්‍රික දූත මණ්ඩල දැනුවත් කළේ නම්, ගත් පූර්වාරක්‍ෂාවන් සමඟ සංචාරක උපදේශන අනතුරු ඇඟවීමක් වළක්වා ගත හැකිව තිබූ බව පවසන හිටපු අමාත්‍යවරයා සිය X පණිවිඩය හරහා පවසනවා.
තවද, ජනාධිපතිවරයා සහ විදේශ අමාත්‍යවරයා අවම වශයෙන් දැන්වත් රාජ්‍ය තාන්ත්‍රික දූත මණ්ඩල සහ ආරක්ෂක නිලධාරීන් සමඟ රැස්වීමක් කැඳවා ගෙන ඇති පියවර පිළිබඳව කෙටියෙන් සඳහන් කර ශ්‍රී ලංකාව පිළිබඳ සංචාරක උපදේශනය ඉවත් කිරීමට විදේශ දූත මණ්ඩල සමඟ කටයුතු කළ යුතු බවත් හිටපු විදුලි බල හා බලශක්ති අමාත්‍ය කංචන විජේසේකර සිය X සටහනෙන් අවධාරණය කරනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…