පසුගිය 23 වනදා අපරාධ පරීක්ෂණ දෙපාර්තමේන්තුව විසින් රක්ෂිත බන්ධනාගාර ගත කල හිටපු අමාත්‍ය ජොන්ස්ටන් ප්‍රනාන්දු අද (30) කොටුව මහේස්ත්‍රාත් අධිකරණයට ඉදිරිපත් කර තිබෙනවා.
BMW වර්ගයේ මෝටර් රථයක් කොළඹ ප්‍රධාන පෙළේ හෝටලයක සැකකටයුතු ලෙස නවතා තැබීමේ සිද්ධියට අදාළව අපරාධ පරීක්ෂණ දෙපාර්තමේන්තු නිලධාරීන් විසින් ජොන්ස්ටන් ප්‍රනාන්දුව අත්අඩංගුවට ගනු ලැබුවා.
අදාළ BMW මෝටර් රථයේ චැසි අංකය ජාත්‍යන්තර පොලීසියේ දත්ත පද්ධතිය ඔස්සේ පරීක්ෂාවට ලක් කිරීමේදී මෙය 2021 වසරේ එංගලන්තයෙන් සොරකම් කරන ලද මෝටර් රථයක් බව අනාවරණය වූ බව විමර්ශන නිලධාරීන් පවසා තිබේ.
මෙරටදී එකලස් කළ, ලියාපදිංචි නොකළ BMW වර්ගයේ මෝටර් රථයක් ළඟ තබා ගැනීමේ සිද්ධිය සම්බන්ධයෙන් අත්අඩංගුවට ගත් හිටපු අමාත්‍ය ජොන්ස්ටන් ප්‍රනාන්දු ඔක්තෝබර් අද (30) දක්වා රක්ෂිත බන්ධනාගාර ගතකිරීමට කොටුව මහෙස්ත්‍රාත් අධිකරණය ඔක්තෝබර් 23 වනදා නියම කළේය.
එදින අපරාධ පරීක්ෂණ දෙපාර්තමේන්තුවට කැඳවා සිටි හිටපු අමාත්‍යවරයා ගෙන් පැය 04 කට ආසන්න කාලයක් ප්‍රකාශයක් ලබාගැනීමෙන් අනතුරුව හිටපු අමාත්‍යවරයාව අත්අඩංගුවට ගෙන අධිකරණයට ඉදිරිපත් කිරීමට අපරාධ පරීක්ෂණ දෙපාර්තමේන්තුවේ නිලධාරීන් කටයුතු කළේය.
එහිදී අපරාධ පරීක්ෂණ දෙපාර්තමේන්තුවේ සමුහ මංකොල්ල විමර්ශන අංශයේ විමර්ශන නිලධාරින් කියා සිටියේ ප්‍රශ්න ගත BMW මෝටර් රථය සම්බන්ධයෙන් වූ නඩුවේ ප්‍රධාන සැකකරු ලෙස හිටපු අමාත්‍ය ජොන්ස්ටන් ප්‍රනාන්දුව අත්අඩංගුවට ගත් බවය.
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…
අද (03) දහවල් පුද්ගලයෙකු විසින් පුලියන්කුලම පොලිස් බල ප්‍රදේශයේ පදිංචි ගුරුවරියකුගේ ගෙල කපා පුලියන්කුලම පොලිස්…
කුලියාපිටිය කාර්මික විද්‍යාලයේ පළමු වසරේ සිසුවියක් වැවකට පැන සියදිවි හානිකර ගැනීමට උත්සහ කිරීමේ සිද්ධියක් සම්බන්ධයෙන්…
පොදු ප්‍රවාහනයේ නවීකරණය කිරීම සඳහා ශ්‍රී ලංකා ගමනාගමන මණ්ඩලය යටතේ නියමු ව්‍යාපෘතියක් ලෙස මෙට්‍රෝ බස්…
තඹුත්තේගම ක්‍රීඩාංගණය A ශ්‍රේණියේ ක්‍රීඩාංගණයක් බවට සංවර්ධනය කරන ලෙස බලධාරීන්ගෙන් තමා ඉල්ලා සිටින බව වෙළඳ…
දෙහිඅත්තකණ්ඩිය - මහියංගන ප්‍රධාන මාර්ගයේ ධාවනය වෙමින් තිබූ මෝටර් රථයක් හොබරියාව ප්‍රදේශයේදී අද පෙරවරුවේ මාර්ග…