මහින්ද රාජපක්ෂගේ ආරක්ෂාව අඩු කර නැහැ – ජනාධිපති කාර්යාලයෙන් නිවේදනයක් !

හිටපු ජනාධිපති මහින්ද රාජපක්ෂගේ ආරක්ෂාව අඩු කර ඇති බවට පළ වන මාධ්‍ය වාර්තා අසත්‍ය බව ජනාධිපති කාර්යාලය පවසනවා.

1986 අංක 4 දරන ජනාධිපතිවරුන්ගේ හිමිකම් පනතට අනුව ජනාධිපති කාර්යාලය මගින් ඔහුට පහත ප්‍රතිලාභ ලබා දී තිබෙන බවත් ජනාධිපති කාර්යාලය දැනුම්දී තිබෙනවා.

ඒ අනුව හිටපු ජනාධිපති මහින්ද රාජපක්ෂට විශ්‍රාමික ජනාධිපතිවරයෙකුට හිමි විශ්‍රාම වැටුප හිමි වන අතර කොළඹ 07 විජේරාම මාවතේ නිල නිවස සහ ලේකම් දීමනාව ඔහුට හිමි වන බවයි සඳහන් වෙන්නේ.

එසේම දැනට වාහන 03ක් හිටපු ජනාධිපති මහින්ද රාජපක්ෂට ලබා දී ඇති අතර Mercedes Benz -600 maybatch (B/P) car 2008, Toyota Land Cruiser – 2017, Mercedes Benz – G63 AMG 4*4 2850 jeep 2013 යන වාහන 03 ඔහු වෙනුවෙන් වෙන් කර ඇති බවත් සඳහා මාසික ඉන්ධන දීමනාව ලෙස ලීටර් 1950 ලබා දෙන අතර එම වාහන සඳහා රියදුරන් තිදෙනෙකු නිදහස් කර ඇති බවයි වැඩිදුරටත් සඳහන් වෙන්නේ.

මීට අදාළව ජනාධිපති කාර්යාලය විසින් නිකුත් කල නිවේදනය පහතින්,