රජයට අයවිය යුතු රුපියල් කෝටි තුනකට අධික වැට් බදු නොගෙවීමේ සිද්ධියක් සම්බන්ධයෙන් ශ්‍රී ලංකා මහජන උපයෝගීතා කොමිෂන් සභාවේ හිටපු සභාපති ජනක රත්නායකට සහ ඔහුගේ බිරිඳට ලබන දෙසැම්බර් මස 10 වනදා අධිකරණය හමුවේ පෙනීසිටින ලෙස දන්වමින් කොළඹ අතිරේක මහෙස්ත්‍රාත් බණ්ඩාර ඉලංගසිංහ විසින් ඊයේ (04) සිතාසි නිකුත් කර තිබෙනවා.
කිරුළපන ප්‍රදේශයේ පවත්වාගෙන ගිය පරිගණක සේවා සැපයීමේ ආයතනයක් වෙනුවෙන් මෙලෙස බදු ගෙවීම පැහැරහැර ඇති බවට ඔවුන්ට චෝදනා එල්ල වී තිබෙනවා.
ඔවුන් 2016, 2017, 2018 යන වර්ෂ තුන සඳහා හිඟ බදු මුදල් වශයෙන් රුපියල් 31,846,248.24ක් හා හිඟ ආදායම් බදු මුදල් වශයෙන් රුපියල් 1,851,658.37ක මුදලක් රජයට නොගෙවා පැහැරහැර ඇති බව සඳහන්.
ජනක රත්නායක හා ඔහුගේ බිරිඳ වන කුමාරි යසෝදා සිල්වා යන දෙදෙනාට මීට පෙර අධිකරණය හමුවේ පෙනීසිටින ලෙස නියෝග කර තිබුණා.
කෙසේ වෙතත් එම අවස්ථාවේ ඔවුන් නොපැමිණ, ඒ වෙනුවට ආයතනයේ අධ්‍යක්ෂවරයෙක් ඉදිරිපත් කර තිබු බව සඳහන්.
මෙම සිද්ධියේ වගඋත්තරකරුවන් වන ජනක රත්නායක මහතා සහ ඔහුගේ බිරිඳට මෙවර අධිකරණය හමුවේ පෙනී සිටින ලෙස දන්වා සිතාසි නිකුත් කරන ලෙසයි දේශීය ආදායම් කොමසාරිස් ජනරාල්වරයා වෙනුවෙන් පෙනී සිටි නීතිඥ දිනේෂ් පෙරේරා අධිකරණයෙන් ඉල්ලීමක් කළේ.
ඒ අනුව එම ඉල්ලීම සළකා බැලූ කොළඹ අතිරේක මහේස්ත්‍රාත්වරයා මෙවර ඔවුන් දෙදෙනාට අධිකරණයේ පෙනීසිටින ලෙස දන්වා සිතාසි නිකුත් කර තිබෙනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…