හැව්ලොක් පාරේ සුපිරි නිවාස සංකීර්ණයකදී අපරාධ පරීක්ෂණ දෙපාර්තමේන්තුව විසින් ඊයේ (08) පස්වරුවේ අත්අඩංගුවට ගත් සැකකරුවන් 58 දෙනා අද (09) කොළඹ මහේස්ත්‍රාත් අධිකරණයට යොමු කිරීමට නියමිතව තිබුණා.
ඒ අනූව ඔවුන් පිළිබඳව තොරතුරු රැසක් මේ වන විට අනාවරණය වී තිබෙනවා.
නීති විරෝධී අයුරුන් අන්තර්ජාලය හරහා මුදල් වංචා කරන බවට අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන ඒකකයට ලැබුණු තොරතුරක් අනුව මෙම සැකකාර ශ්‍රී ලාංකික පුද්ගලයින් 58 දෙනා අත්අඩංගුවට ගෙන තිබුණා.
මේ සම්බන්ධයෙන් අදහස් දැක්වූ පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව,
“ශ්‍රී ලංකාවේ පිහිටි විදේශීය තානාපති කාර්යාලයකින් තමයි මේ පිළිබඳ පැමිණිල්ල ලැබී තිබුණේ. කොරියාවේ සිටින කොරියානු ජාතිකයෙකුගේ මුදල්. ශ්‍රී ලංකා මුදල් වටිනාකමින් ගත්තොත් රුපියල් කෝටි 30කට ආසන්න මුදලක් වංචා කර තිබෙනවා කියලා.”
“ඒ අනුව ඊයේ මෙම ස්ථානය වටලනු ලැබුවා. රුපියල් ලක්ෂ 90වකට වැඩි මුදලක් මාසික කුලිය විදියට ගෙවමින් මෙම ස්ථානය පවත්වාගෙන ගොස් තිබෙනවා.”
“පසුව අනාවරණය වුණා මෙය අන්තර්ජාලය ඔස්සේ මුදල් කොල්ලකන කඳවුරක් ලෙස පවත්වාගෙන ගොස් තිබෙන බව.”
“මෙහි අධ්‍යක්ෂවරියක් ලෙස කටයුතු කරන කොළඹ 07 පදිංචි 52 හැවිරිදි කාන්තාවක් සහ කළමනාකරුවෙකු ලෙස කටයුතු කරන රාගම පදිංචි 40 හැවිරිදි පුද්ගලයෙක් අත්අඩංගුවට ගත් සැකකරුවන් අතර සිටිනවා.”
“තවත් පුද්ගලයන් මේකට සම්බන්ධ බවට තොරතුරු ලැබුණා. විදේශීය රටක විදේශිකයන්ගේ මෙහෙයවීම් මත මෙම ස්ථානය පවත්වාගෙන ගොස් ඇති බවට තොරතුරු තිබෙනවා. ඔවුන්ගේ ඉලක්කය විදේශීය රටවල සිටින ජාතිකයන්.”
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…