ඉන්දීය ප්‍රිමියර් ලීග් (IPL) ඉතිහාසයේ කණ්ඩායමක් සමග ගිවිසුමක් අත්සන් කළ ළාබාලතම ක්‍රීඩකයා වීමට බිහාර් ප්‍රාන්තයේ 13 හැවිරිදි වෛභව් සූර්යවංශි සමත්ව තිබෙනවා.
ඔහු ඉන්දීය රුපියල් කෝටි 1.1කට රාජස්ථාන් රෝයල්ස් කණ්ඩායම විසින් මිලදී ගැනීම කැපී පෙනුණා.
අවුරුදු 13 දින 243 ක් වයසැති වෛභව් සූර්යවංශි මිලදී ගැනීම සඳහා දිල්ලි කැපිටල්ස් කණ්ඩායම සහ රාජස්ථාන් රෝයල්ස් ලංසු යුද්ධයකට එළැඹි අතර අවසානයේදී ඉන්දීය රුපියල් කෝටි 1.1 ක මුදලකට සූර්යවංශි අලෙවි වුණා.
ඉන්දීය ප්‍රිමියර් ලීග් (අයි.පී.එල්) ඉතිහාසයේ ක්‍රීඩක වෙන්දේසියට ඉදිරිපත්වූ ළාබාලතම ක්‍රීඩකයා වන්නේද වෛභව් සූර්යවංශි වීම විශේෂත්වයක්.
මේ අතර 2025 IPL තරගාවලිය ඉලක්කය කර ගනිමින් ක්‍රීඩක වෙන්දේසියේ දෙවැනි දිනයේදී ශ්‍රී ලංකා ක්‍රීඩකයින් කිහිප දෙනෙකුම වෙන්දේසියට ඉදිරිපත් කෙරුණා.
එහිදී ඉන්දීය ලක්ෂ 75ක මූලික ලංසුව යටතේ නුවන් තුෂාර වෙන්දේසිය සඳහා ඉදිරිපත් කළ අතර සන්රයිසස් හයිද්‍රාබාද්,රාජස්ථාන් සහ බැංගලුරු කණ්ඩායම තුෂාර වෙනුවෙන් ලංසු ඉදිරිපත් කළා.
එහිදී ඉන්දීය රුපියල් කෝටි 1යි දශම 6ක හෙවත් ශ්‍රී ලංකා මුදලින් රුපියල් කෝටි 5.52ක මුදලකට තුෂාරව මිලදී ගන්නට රෝයල් චැලෙන්ජර්ස් බැංගලුරු කණ්ඩායම සමත් වුණා.
අනතුරුව ඉන්දීය ලක්ෂ 75ක මූලික ලංසු මුදලටම කමිඳු මෙන්ඩිස් සිය කණ්ඩායමට එක් කර ගන්නට සන්රයිසස් හයිද්‍රාබාද්ට හැකියාව ලැබුණා.
ඉන්දීය රුපියල් ලක්ෂ 75ක මුලික ලංසු මුදලටම දුෂ්මන්ත චමීරව මිලදී ගත්තේ දිල්ලි කැපිටල්ස් කණ්ඩායම විසින්.
චමීරට සහ කමිඳුට ශ්‍රී ලංකා මුදලින් රුපියල් කෝටි 2යි දශම 5ක් බැඟින් හිමිවීමට නියමිතයි.
ඒ අතරවාරයේදී ඉන්දීය රුපියල් ලක්ෂ 30 මූලික ලංසුව යටතේ ශ්‍රී ලංකා යොවුන් වේගපන්දු යවන ක්‍රීඩක එෂාන් මාලිංග ඉදිරිපත් කෙරුණා.
එහිදී රාජස්ථාන් සහ හයිද්‍රාබාද් කණ්ඩායම් අතර තියුණු ලංසු සටනකින් පසු එෂාන් මාලිංග ඉන්දීය රුපියල් කෝටි 1.20කට සන්රයිසස් හයිද්‍රාබාද් කණ්ඩායමට අලෙවි වීම කැපී පෙනුණා.
ශ්‍රී ලංකාව වෙනුවෙන් තවමත් ජගත් ක්‍රිකට් වරම් හිමිකර නොගත් එෂාන් මාලිංගට ශ්‍රී ලංකා මුදලින් රුපියල් කෝටි 4.14ක මුදලක් හිමි වීමට නියමිතයි.
කෙසේ වෙතත් මෙම වෙන්දේසියට ඉදිරිපත් කළ පැතුම් නිස්සංක,ඩිල්ෂාන් මධුශංක සහ විජයකාන්ත් වියාස්කාන්ත් මිලදී ගන්නට කිසිඳු කණ්ඩායමක් ඉදිරිපත් වුණේ නැහැ.
මේ අතර IPLවෙන්දේසි ඉතිහාසයේ අලෙවි වූ ලාබාලතම ක්‍රීඩකයා බවට පත් වන්නට වයස අවුරුදු 13යි දින 243ක වියේ පසුවන ඉන්දීය ක්‍රීඩක වෛභව් සූර්යවංශි සමත් වුණා.
ඔහුව ඉන්දීය රුපියල් කෝටි 1යි දශම 1කට රාජස්ථාන් රෝයල්ස් කණ්ඩායම විසින් මිලදී ගැනීමත් කැපී පෙනුණා.
මෑත කාලීනව පාසල් දැරිවියන් අතර ගැබ් ගැනීම් ඉහළ යාමක් පෙන්නුම් කර ඇති බව කාන්තා සහ…
යතුරුපැදි සොරකම් කරන කල්ලියක තිදෙනෙකු අත්අඩංගුවට ගැනීමට ගිරිඋල්ල පොලිස් ස්ථානයේ නිලධාරින් කණ්ඩායමක් සමත්ව ඇති බව…
බම්බලපිටිය රාත්‍රී සමාජ ශාලාවකින් පොලිස් භාරයට ගත් මත්පැන් බෝතල් තොගයක මත්පැන් වෙනුවට ආදේශක ද්‍රව්‍යයක් තිබීම…
බාලවයස්කාර පාසල් සිසුවියක් පැහැරගෙන ගොස් හපුතලේ ප්‍රදේශයේ නිවසක රඳවා තබා ගත් තරුණයෙකු ලිඳුල පොලිසිය විසින්…
තලංගම පොලිස් වසමේ තලවතුගොඩ ප්‍රදේශයේදී අද අලුයම් කාලයේ වෙඩි තැබීමක් සිදුව ඇති බව වාර්තා වේ.…
බේරුවල ධීවර වරායෙන් මුහුදුගිය යාත්‍රාවක සිටි පුද්ගලයෙකු අද (19) අලුයම ඇති වූ සැඩ සුළඟට හසු…