අතුරුගිරිය පච්ච කෙටීමේ මධ්‍යස්ථානයක් තුළදී වෙඩි තබා ව්‍යාපාරික සුරේන්ද්‍ර වසන්ත පෙරේරා නොහොත් ක්ලබ් වසන්ත ඇතුළු දෙදෙනකු ඝාතනය කිරීමේ චෝදනාවට බන්ධනාගාරගතව සිටි සැකකරුවන් 22 ගෙන් සැකකරුවන් 7දෙනෙක් රුපියල් ලක්ෂයක මුදල් ඇප සහ ලක්ෂ 10 බැගින් වන ශරීර ඇප 2ක් මත මුදා හැරීමට හෝමාගම මහාධිකරණ විනිසුරු මොහොමඩ් ඉර්ෂාදීන් අද නියම කළේය.
සැකකරුවන් 8 දෙනාගේ විදේශ ගමන් බලපත්‍ර අධිකරණයට ඉදිරිපත් කරන ලෙසත්, සැකකරුවන් 8 දෙනා අතුරුගිරිය පොලිසියේ සෑම සතියකම අත්සන් කළ යුතු බවටත් දැඩි ඇප කොන්දේසි පනවා ඇති බවටත් මහාධිකරණ විනිසුරුවරයා ප්‍රකාශ කළේය.
පසුගිය ජූලි මස 08 වන දින අතුරුගිරිය ප්‍රදේශයේ ටැටූ මධ්‍යස්ථානයක සිදු කළ වෙඩි තැබීමක දී මියගිය විජේසූරිය ආරච්චිගේ නයන වාසුල විජේරත්න සහ රාජපක්ෂ අප්පුහාමිලාගේ දොන් සුරේන්ද්‍ර වසන්ත පෙරේරා නොහොත් ක්ලබ් වසන්ත යන අය වෙඩි තබා ඝාතනය කිරීමට අදාළව ආධාර අනුබලදීම සම්බන්ධයෙන් මෙම සැකකරුවන් අත්අඩංගුවට ගෙන මේ දක්වා රක්ෂණ භාරයට පත්කරන ලදී.
නීතිපති දෙපාර්තමේන්තුව වෙනුවෙන් පෙනී සිටි රජයේ නීතීඥ ශක්ති ජාගොඩආරච්චි මහතා අධිකරණයට දන්වා සිටියේ මෙම ඇතැම් සැකකරුවන් මෙම නඩුවේ සාක්ෂිකරුවන් වශයෙන් නම් කිරීමට ද අපේක්ෂා කරන බවයි.
12 වන සැකකරු වෙනුවෙන් ජනාධිපති නීතීඥ සාලිය පීරිස් මහතා ද 03,04,05,06,07 සැකකරුවන් වෙනුවෙන් නීතීඥ විශ්ව විදානගමගේ මහතා සමඟ නීතීඥ නුවන් ජයවර්ධන මහතා පෙනී සිටිමින් ඇප ඉල්ලීම් සිදු කර ඇත.
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…
අද (03) දහවල් පුද්ගලයෙකු විසින් පුලියන්කුලම පොලිස් බල ප්‍රදේශයේ පදිංචි ගුරුවරියකුගේ ගෙල කපා පුලියන්කුලම පොලිස්…
කුලියාපිටිය කාර්මික විද්‍යාලයේ පළමු වසරේ සිසුවියක් වැවකට පැන සියදිවි හානිකර ගැනීමට උත්සහ කිරීමේ සිද්ධියක් සම්බන්ධයෙන්…
පොදු ප්‍රවාහනයේ නවීකරණය කිරීම සඳහා ශ්‍රී ලංකා ගමනාගමන මණ්ඩලය යටතේ නියමු ව්‍යාපෘතියක් ලෙස මෙට්‍රෝ බස්…
තඹුත්තේගම ක්‍රීඩාංගණය A ශ්‍රේණියේ ක්‍රීඩාංගණයක් බවට සංවර්ධනය කරන ලෙස බලධාරීන්ගෙන් තමා ඉල්ලා සිටින බව වෙළඳ…