නව ශ්‍රී පාද වන්දනා සමය ඊයේ (14) උඳුවප් පොහෝ දිනෙන් ආරම්භ වූවා.
ඒ අනුව පැල්මඩුල්ල ගල්පොත්තාවල පුරාණ ශ්‍රී පාද විහාරස්ථානයේ සිට සාධාතුක කරඩුව, සමන්දේව ප්‍රථිමාව සහ දේව ආභරණ ශ්‍රී පාද මළුව වෙත වැඩම කරවීම ඊයේ (14) අලුයම සිදුවිය.
මේ අතර සිරිපා වන්දනා සමය ආරම්භ වීමත් සමග රත්නපුර දිස්ත්‍රික් ලේකම් වසන්ත ගුණරත්න මහතා විසින් විශේෂ ගැසට් නිවේදනයක් නිකුත් කිරීමට ද පියවර ගනු ලැබීය.
එම ගැසට් නිවේදනයේ සඳහන්ව ඇත්තේ ආරම්භ වූ සිරිපා වන්දනා සමය තුළ මහජනතාව පිළිපැදිය යුතු මාර්ගෝපදේශ සම්බන්ධවය.
ඒ අනුව ශ්‍රී පාද මළුව විශ්‍රාම ශාලා ප්‍රදේශයන්හී මෙන්ම ගමන් මාර්ගයේ ද සංචාරක වෙළෙඳාම තහනම් වන අතර විකිණීමට තබා ඇති සියලු සකස් කළ ආහාර ද්‍රව්‍ය මැස්සන්ගෙන් ආරක්ෂා වන පරිදි ආවරණ සහිතව රඳවා තැබිය යුතු බවත් එහි සඳහන් කර තිබේ.
එමෙන්ම විශ්‍රාම ශාලා ලෙස නම් කර ඇති ස්ථාන හැරුණු කොට අන් කවර ස්ථානයක හෝ තාවකාලිකව නවාතැන් සකස් කිරීම හෝ පවත්වාගෙන යාම තහනම් වනු ඇති බවත් එම නිවේදනයේ සඳහන් කොට ඇත.
එම සම්පූර්ණ නිවේදනය පහළින් දැක්වේ,
මාගෙන් හෝ බලයලත් නිලධාරියකුගේ ලිඛිත අවසරයකින් තොරව කිසිවකු විසින් හෝ 2024 දෙසැම්බර් මස 14 දින සිට 2025 මැයි මස 13 දින දක්වා කාලය තුළ ස්ථිර හෝ තාවකාලික ගොඩනැගිල්ලක් හෝ නවාතැනක් හෝ වෙළෙඳසලක් ඉදිකිරීම නොකළ යුතුය.
සිරිපා මළුව ප්‍රදේශයේ හෝ අම්බලම් විශ්‍රාම ශාලා ප්‍රදේශයේ කිසිම තැනක දී යාචකයන් විසින් හිඟමන් ඉල්ලීම හෝ ලබා ගැනීම ද කිසිවකු විසින් හිඟමන් දීම හෝ බෙදාදීම ද නොකළ යුතුය.
දැනටමත් වනජීවී සංරක්ෂණ දෙපාර්තමේන්තුව, මධ්‍යම පරිසර අධිකාරිය සහ පළාත් පාලන ආයතන මඟින් හඳුනාගෙන නම් කර ඇති ආරක්ෂිත ස්ථාන වල දී හැර දිය නෑම හෝ රෙදි සේදීම නොකළ යුතුය.
පෞද්ගලික ආයතන මඟින් පැවැත්වීමට අදහස් කරනු ලබන වෛද්‍ය ප්‍රතිකාර ප්‍රථමාධාර මධ්‍යස්ථාන සඳහා පළාත් සෞඛ්‍ය සේවා අධ්‍යක්ෂකගේ සහ පළාත් පාලන ආයතනයේ පූර්ව ලිඛිත අවසරයන් ලබාගත යුතුය.
රට තුළ පවතින වසංගත රෝග තත්ත්වයන් යටතේ සෞඛ්‍ය අධ්‍යක්ෂ ජනරාල් විසින් කලින් කලට නිකුත් කරනු ලබන නිසි සෞඛ්‍ය මාර්ගෝපදේශ පිළිපදිමින් වන්දනාවේ යෙදීම කළ යුතුය.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…