රජය යටතේ සහල් ආනයනයට අදාළව සතොස ආයතනය විසින් ලබාදුන් ටෙන්ඩර් දෙකම ප්‍රතික්ෂේපවී ඇති බවත්, ප්‍රති ටෙන්ඩරයක් ඉදිරිපත් කළද එයද ප්‍රතික්ෂේප වූ බවත් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන ඇමැති වසන්ත සමරසිංහ පැවැසීය.
සතොස හරහා අදාළ සැපයුම්කරුවන් ඉදිරිපත් කරන ලද සාම්පලවල තත්ත්වයේ පවතින ගැටලු හේතුවෙන් ඒවා ප්‍රතික්ෂේප වූ බවද ඔහු කීවේය.
රජය විසින් සහල් ආනයනයට අදාළව මෙට්‍රික් ටොන් 5,200 බැගින් ටෙන්ඩර් 04 ක් නිකුත් කළ බවත්, සතොස විසින් ටෙන්ඩර් 02 ක්ද, රාජ්‍ය වාණිජ විවිධ නීතිගත සංස්ථාව හරහා ටෙන්ඩර් 02 ක්ද මෙහිදී නිකුත් කළ බවත් ඔහු පැවැසුවේය.
රාජ්‍ය වාණිජ විවිධ නීතිගත සංස්ථාව යටතේ සහල් මෙට්‍රික් ටොන් 5,200 ක් ආනයනය කිරීමට ටෙන්ඩරය බාරගත් සැපයුම්කරු මෙම මස 28 වැනිදා වන විටදී අදාළ සහල් තොගය ආනයනය කර ලබාදෙන බවට පොරොන්දු වී ඇතැයි ද ඇමැතිවරයා පැවැසීය.
රජයේ ක්‍රමවේදය යටතේ සහල් ආනයනය කිරීමේදී යම් ක්‍රියාවලියක් පවතින බවත්, ඊට යම් කාලයක් ගතවන බවත් ඔහු කියා සිටියේය. කෙසේ නමුත්, පුද්ගලික අංශය හරහා සහල් ආනයනය කිරීමේදී ප්‍රමාදයක් නොවන බවත්, රජයේ ප්‍රමාද තත්ත්වයන් වැළැක්වීමට ඉදිරියේදී පියවර ගන්නා බවත් ඔහු කීවේය.
ඉදිරියේදී ඉන්දියානු රජය සමග සාකච්ඡා කර රජයන් මැදිහත්ව සහල් ආනයනය කිරීමට අදාළ ක්‍රමවේදයක් සකස් කිරීමට බලාපොරොත්තු වන බවද ඇමැතිවරයා සඳහන් කළේය.
දෙරණ රූපවාහිනී නාලිකාවේ 360 වැඩසටහනට සහභාගිවෙමින් ඇමැතිවරයා මේ බව සඳහන් කළේය.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…