දුම්රිය ප්‍රමාදවීම් සහ අවලංගු වීම්වලට ප්‍රධානතම හේතුව දුම්රිය එංජින්වල පවතින හිඟය බව දුම්රිය දෙපාර්තමේන්තුව ප්‍රකාශ කරනවා.
දුම්රිය දෙපාර්තමේන්තුව සතුව මේ වනවිට ධාවනයට සුදුසු එංජින් පවතින්නේ 50ක පමණ ඉතා අවම ප්‍රමාණයක් බව “අද දෙරණ” කළ විමසීමකදී එහි ප්‍රකාශකයෙකු සඳහන් කළේය.
ගැටලුවකින් තොරව දුම්රිය ධාවනය කිරීම සඳහා දුම්රිය එංජින් 70ක් පමණ අවශ්‍ය වෙයි.
අවලංගු වීම් හෝ ප්‍රමාද වීම් නොමැතිව දුම්රිය ධාවනය වීමටනම් අවම වශයෙන් දුම්රිය එංජින් 60ක ප්‍රමාණයක් අවශ්‍ය බව සඳහන්ය.
කෙසේවෙතත් මේ වනවිට ධාවන තත්ත්වයේ ඇති දුම්රිය එංජින් 50න් බෝහෝ ප්‍රමාණයක් විවිධ කාර්මික දෝෂවලට ලක්වන බව එම දෙපාර්තමේන්තුව සඳහන් කළේය.
සාමාන්‍යයෙන් දුම්රිය එංජිමකට රැගෙන යා හැකි බර ප්‍රමාණයක් තිබුණ ද ප්‍රමාණය ඉක්මවා බර රැගෙන යාම ඊට හේතු වී තිබේ.
එමෙන්ම දුම්රිය එංජින් අලුත්වැඩියා කිරීම සඳහා අමතර කොටස්වල හිඟයක් පසුගිය කාලය පුරාවට දක්නය ලැබුණි.
කෙසේවෙතත් මේ වනවිට එංජින් අලුත්වැඩියා කිරීම සඳහා අවශ්‍ය වන අමතර කොටස් දුම්රිය දෙපාර්තමේන්තුව වෙත ලැබෙමින් පවතින බව එම ප්‍රකාශකයා සඳහන් කළේය.
ඒ අනුව ඉදිරියේ දී ගැටලුවකින් තොරව දුම්රිය ධාවනය කිරීම සඳහා අවශ්‍ය කටයුතු සිදුකිරීමට හැකි බව සඳහන්ය.
දුම්රිය දෙපාර්තමේන්තුව සතුව පවතින දුම්රිය එංජින්වලින් බෙහෝ ප්‍රමාණයක් දීර්ඝ කාලයක් තිස්සේ ධාවනය කිරීම හේතුවෙන් භාවිතයට ගත නොහැකි මට්ටමට පත්ව ඇති බවද සදහන්.
හෙට දිනයේදීත් ප්‍රදේශ රැසකට වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා. බස්නාහිර, සබරගමුව,…
දරුවන් අතර ඉන්ෆ්ලුවන්සා, චිකන්ගුන්යා ඩෙංගු වැනි රෝග වැඩිවීමක් දක්නට ලැබෙන බව රිජ්වේ ආර්යා ළමා රෝහලේ…
පසුගිය පළාත් පාලන මැතිවරණයෙන් ජයග්‍රහණය කර බහුතරය ලබා ගත් පළාත් පාලන ආයතන සඳහා නගරාධිපති, නියෝජ්‍ය…
දිවයිනේ නිරිත දිග කොටසේ පවතින වැසි තත්ත්වය අද (01) දින සිට ක්‍රමයෙන් අඩුවනු ඇතැයි බලාපොරොත්තු…
2025 ලෝක රූ රැජිණ කිරුළ තායිලන්ත තරගකාරිණියක් වන ඔපල් සුචතා චුංශ්‍රී නම් තරගකාරිණිය විසින් දිනාගනු…
මාසික ඉන්ධන ගාස්තු සංශෝධනයට අනුව අද සිදු කිරීමට නියමිත ඉන්ධන ගාස්තු සංශෝධනය සම්බන්ධව ලංකා ඛණිජ…